ଆଗ ଅପେକ୍ଷା ଏବେ ରୁଟିର ଚାହିଦା ବଢୁଛି । ଅନେକ ରୁଟି ଖାଇବାକୁ ବେଶ ପସନ୍ଦ କରୁଛନ୍ତି । ଏମିତିକି ଯୁବପିଢି ବ୍ରେକ୍ଫାଷ୍ଟ, ଲଂଚ, ଡିନର ସବୁଥିରେ ରୁଟି ଖାଇବାକୁ ପସନ୍ଦ କରୁଛନ୍ତି  । ଉତର ଭାରତୀୟ ଖାଦ୍ୟ ଭାବେ ରୁଟିର ଲୋକପ୍ରିୟତା ଭାରତର ପ୍ରତ୍ୟେକ ପ୍ରାନ୍ତରେ ରହିଛି । ରୁଟିର ବିଦେଶରେ ଭିନ୍ନ ନାମ ରହିଛି ଯେମିତିକି ଦୁବାଇରେ ରୁଟିକୁ ଖୁବୁସ୍ ବୋଲି କୁହାଯାଏ । ମୋଗଲ ରାଜତ୍ୱ ସମୟରୁ ରୁଟି, ନାନ୍ ଆଦି ଖାଦ୍ୟର ଆଦର ଭାରତରେ ବଢିବାର ଅନୁମାନ କରାଯାଏ । ଖାଦ୍ୟ ବିଶେଷଜ୍ଞଙ୍କ ମତରେ ପ୍ରତିଦିନ ରୁଟି ଖାଇବା ସ୍ୱାସ୍ଥ୍ୟପକ୍ଷେ ହିତକର । ବୟସ୍କ ରାତିବେଳା ଭାତ ଖାଇଲେ ସହଜରେ ହଜମ କରିପାରନ୍ତି ନାହିଁ । ଫଳରେ ତାଙ୍କ ପେଟ ସମସ୍ୟା ଦେଖାଯାଇଥାଏ । ତେଣୁ ସେମାନେ ରୁଟି ଖାଇବା ଭଲ ।

- ଆଜିକାଲି ବଜାରରେ ବିଭିନ୍ନ ପ୍ରକାର ଅଟା ମିଳୁଛି । ଗହମ ଅଟା ସହିତ ମଲ୍ଟିଗ୍ରେନ୍ ଅଟା, ବାଜରା ଅଟା, ସୋୟାବିନ୍ ଅଟା, ଇତ୍ୟାଦି ମିଳୁଛି । ଆପଣ ଚାହିଁଲେ ମଲ୍ଟିଗ୍ରେନ୍ ଅଟା ଘରେ ମଧ୍ୟ ତିଆରି କରିପାରିବେ । ଏହି ଅଟା ଖାଇବା ଦ୍ୱାରା ଶରୀରକୁ ପ୍ରଚୁର ପରିମାଣରେ କାର୍ବୋହାଇଡ୍ରେଟ ମିଳିଥାଏ ।

-କାର୍ବୋହାଇଡ୍ରେଟ୍ ଓ ପ୍ରୋଟିନରେ ଭରପୁର ରୁଟି ଖାଇଲେ ଶରୀରକୁ ଶକ୍ତି ମିଳିଥାଏ । ସଙ୍ଗେସଙ୍ଗେ ପ୍ରସ୍ତୁତ ହୋଇଥିବା ରୁଟି ଓ ବାସି ରୁଟି ଉଭୟରେ ପୋଷକତତ୍ୱ ଥିବା ବିଶେଷଜ୍ଞମାନେ ମତ ଦିଅନ୍ତି  ।

-ସୋୟାବିନ୍ ଅଟା ପ୍ରସ୍ତୁତ ରୁଟି ଛୋଟ ପିଲାଙ୍କ ପାଇଁ ଖୁବ୍ ଭଲ ବୋଲି ଅନୁଧ୍ୟାନରୁ ଜଣାପଡିଛି । ସେମାନଙ୍କ ସ୍ମୃତି ଶକ୍ତି ବୃଦ୍ଧି କରିବାରେ ସୋୟାବିନ୍ ଅଟାର ପୋଷକତତ୍ତ୍ୱ ସହାୟକ ହେଉଥିବାର ବିଶେଷଜ୍ଞଙ୍କ ମତ ।

-ଦ୍ୱିପହର ଭୋଜନରେ ଆପଣ ଅଳ୍ପ ଭାତ ସହ ରୁଟି ମିଶାଇ ଖାଇଲେ ଆପଣଙ୍କ ଓଜନ ନିୟନ୍ତ୍ରଣରେ ରହିବା ସହ କୋଲଷ୍ଟ୍ରଲ୍ସ୍ତର ବୃଦ୍ଧି ହୋଇନଥାଏ । ଏହା ସହ ରୁଟି ଖାଇବା ଦ୍ୱାରା ଶରୀର ଆକ୍ଟିଭ ରହିଥାଏ । ହଜମ ସମସ୍ୟା ମଧ୍ୟ ଦେଖାଯାଇନଥାଏ ।

-ଆନିମିଆ ରୋଗୀ ମଧ୍ୟ ପ୍ରତିଦିନ ରୁଟି ଖାଇବା ଦ୍ୱାରା ସେମାନଙ୍କ ସ୍ୱାସ୍ଥ୍ୟ ଉପରେ ଉତ୍ତମ ପ୍ରଭାବ ପକାଇଥାଏ ବୋଲି ବିଶେଷଜ୍ଞଙ୍କ ମତ ।

Powered by Froala Editor