ଅଭିନେତ୍ରୀ ରାଜେଶ୍ୱରୀ ରାୟ ମହାପାତ୍ରଙ୍କ ପରଲୋକ
ଟେଲି ଧାରାବାହିକରେ ଖଳନାୟିକା ଭୂମିକାରେ ଅଭିନୟ କରି ଘରେ ଘରେ ପରିଚିତ ପ୍ରସିଦ୍ଧ ଟେଲି ଅଭିନେତ୍ରୀ ରାଜେଶ୍ୱରୀ ରାୟ ମହାପାତ୍ରଙ୍କ ପରଲୋକ ଘଟିଛି । ବୁଧବାର ମୃତ୍ୟୁ ବେଳକୁ ରାଜେଶ୍ୱରୀଙ୍କୁ ୩୭ ବର୍ଷ ହୋଇଥିଲା । ସେ ଦୀର୍ଘଦିନ ହେଲା କ୍ୟାନସର ରୋଗରେ ପୀଡିତ ଥିଲେ ଓ ସେଥିରୁ ଭଲ ମଧ୍ୟ ହୋଇଯାଇଥିଲେ । ହେଲେ ହଠାତ୍ ଗତକାଲି ଅସୁସ୍ଥ ହୋଇପଡିବାରୁ ତାଙ୍କୁ ବିଳମ୍ବିତ ରାତିରେ ରାଜଧାନୀର ଏକ ଘରୋଇ ହସପିଟାଲରେ ଆଡମିଟ କରାଯାଇଥିଲା ଓ ସେଠାରେ ତାଙ୍କର ମୃତ୍ୟୁ ଘଟିଛି ।
ରାଜେଶ୍ୱରୀ ଟେଲି ଧାରାବାହିକ ‘ଉଆଁସୀ କନ୍ୟା’ରେ ଖଳନାୟିକା ଅଳକା ଭୂମିକାରେ ଅଭିନୟ କରି ଘରେ ଘରେ ପରିଚିତ ଥିଲେ | ଏହା ସହିତ ଅନେକ ଓଡ଼ିଆ ସିରିୟଲ ଓ ଫିଲ୍ମରେ ସେ ଭଲ ଅଭିନୟ କରିଥିଲେ । ‘ବସୁନ୍ଧରା’, ‘ଦେବୀ’, ‘ଉଆଁଶି କନ୍ୟା’, ‘ତୋ ପାଇଁ ମୁଁ’ , ବସୁନ୍ଧରା ଭଳି ଲୋକପ୍ରିୟ ସିରିୟଲରେ ମଧ୍ୟ ବେଶ ଭଲ ଅକଟିଂ କରିଥିଲେ | ସେ ‘ଆରେ ସାଥୀ ଆ’, ‘ବ୍ଲାକମେଲ’ ସହ ଆଉ କିଛି ସିନେମାରେ ମଧ୍ୟ ଅଭିନୟ କରିଛନ୍ତି। ରାଜେଶ୍ୱରୀରେ ଦେହାନ୍ତ ଖବର ଶୁଣି ପୁରା ସିନେ ଜଗତରେ ଶୋକର ଛାୟା ଖେଳିଯାଇଛି ।
Powered by Froala Editor
