ଡିଏସ୍ପିଙ୍କୁ ଗାଡି ଚଢ଼ାଇ ମାରିଦେଲେ
ହରିୟାଣା ନୂହଁରେ ପଥର ଖାଦାନରେ ଚଢ଼ାଉ ବେଳେ ଡିଏସ୍ପି ସୁରେନ୍ଦ୍ର ସିଂ ବିଷ୍ଣୋୟୀଙ୍କ ଉପରେ ଗାଡ଼ି ଚଢ଼ାଇ ହତ୍ୟା କରାଯାଇଛି । ପୁଲିସର କହିବା ମୁତାବକ, ନୂହଁ ଜିଲ୍ଲାର ତାବଡୁ ପୁଲିସ ଷ୍ଟେସନ ଅଞ୍ଚଳରେ ଥିବା ଗାଁ ପଚଗାଓଁକୁ ଲାଗିଥିବା ଅରବାଲି ପାହାଡରେ ବେଆଇନ ଖଣି ଖନନ ସମ୍ପର୍କରେ ସୂଚନା ପାଇଥିଲେ ଡିଏସପି ସୁରେନ୍ଦ୍ର ସିଂ । ଏହା ପରେ ସେ ମଙ୍ଗଳବାର ଦିନ ତାଙ୍କ ଟିମ ସହ ସେଠାରେ ପହଞ୍ଚିଥିଲେ। ପୁଲିସ୍ ଟିମ୍ ଦେଖି ଟ୍ରକ ଡ୍ରାଇଭର ଏବଂ ଖଣି କାର୍ଯ୍ୟରେ ନିୟୋଜିତ ଲୋକମାନେ ପାହାଡ ନିକଟରେ ଠିଆ ହୋଇଥିବା ଟ୍ରକ ନେଇ ଖସି ଯିବାକୁ ଚେଷ୍ଟା କରିଥିଲେ। ଗାଡି ଅଟକାଇବା ପାଇଁ ଡିଏସପି ଆଗକୁ ଆସିବା ପରେ ଟ୍ରକ ଡ୍ରାଇଭର ତାଙ୍କ ଉପରେ ଗାଡ଼ି ଚଢ଼ାଇ ଘଟଣାସ୍ଥଳରୁ ଖସି ପଳାଇଥିଲେ। ଫଳରେ ଟ୍ରକର ଚକା ତଳେ ଚାପି ହୋଇ ଡିଏସପିଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା।
ଏ ଘଟଣାରେ ପୁଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ପୁଲିସ ଏନ୍କାଉଣ୍ଟରେ ଅଭିଯୁକ୍ତର ଗୋଡ଼ରେ ଗୁଳି ବାଜିଥିବା ଜଣାପଡ଼ିଛି । ଅଭିଯୁକ୍ତର ନାମ ଇକ୍କାର । ପଥର ଗାଡ଼ିକୁ ଅଟକାଇବା ପାଇଁ ଡିଏସ୍ପି ପ୍ରୟାସ କରିଥିବା ବେଳେ ଇକ୍କାର ତାଙ୍କୁ ଧକ୍କା ଦେଇ ପଳାଇଥିଲା । ପୋଲିସ୍ ଖୋଜାଖୋଜି କରି ଅଭିଯୁକ୍ତକୁ କାବୁ କରିବା ପାଇଁ ତା ଉପରକୁ ଗୁଳି ଚଳାଇଥିଲା । ଇକ୍କାର ଆଣ୍ଠୁରେ ଗୁଳି ବାଜିଥିବା ବେଳେ ତାକୁ ନିଲ୍ହାର ମେଡିକାଲ୍ କଲେଜ୍ରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
Powered by Froala Editor
