ଇନ୍ଦ୍ର ଦେବଙ୍କ ବିରୋଧରେ ମାମଲା ରୁଜୁ କଲେ ଏହି ବ୍ୟକ୍ତି, ଜାଣନ୍ତୁ କାହିଁକି
![ଇନ୍ଦ୍ର ଦେବଙ୍କ ବିରୋଧରେ ମାମଲା ରୁଜୁ କଲେ ଏହି ବ୍ୟକ୍ତି, ଜାଣନ୍ତୁ କାହିଁକି](https://odishanewslens.com/news_gallery/14862_1658086717.jpg)
ବର୍ଷା ନାହିଁ। ଚାଷ କାମ ଠପ୍। କେମିତି କାମ ଚାଲିବ ଇନ୍ଦ୍ର ଦେବ। ଏମିତି ଅଭିଯୋଗ କରି ଭଗବାନ ଇନ୍ଦ୍ର ଦେବଙ୍କ ନାଁରେ କେସ୍ ରୁଜୁ କରିଛନ୍ତି ଜଣେ ବ୍ୟକ୍ତି। ଏମିତି ଅଜବ ଘଟଣା ଉତ୍ତର ପ୍ରଦେଶର ଗୋଣ୍ଡା ଜିଲ୍ଲା କରନେଲଗଞ୍ଜରେ ଦେଖିବାକୁ ମିଳିଛି। ଏପରିକି ମାମଲା ଉପରେ କାର୍ଯ୍ୟାନୁଷ୍ଠାନ ନେବାକୁ କହିଛନ୍ତି ତହସିଲଦାର।
ଗୋଣ୍ଡା ଜିଲ୍ଲାର କୋଡିଆ ଥାନା ଅନ୍ତର୍ଗତ ଝାଲା ଗାଁର ସୁମିତ କୁମାର ଯାଦବ ଏସଡିଏମ ହୀରାଲାଲଙ୍କ ନିକଟରେ ଲିଖିତ ଅଭିଯୋଗ କରିଛନ୍ତି। ସେ ଲେଖିଛନ୍ତି, ଅନେକ ମାସ ହେବ ବର୍ଷା ହୋଇ ନାହିଁ। ଚାଷ କାମ ଠପ୍ ପଡିବା ସହ ସାଧାରଣ ଜନଜୀବନ ପ୍ରଭାବିତ ହୋଇଛି। ଜୀବଜନ୍ତୁ ପାଣି ପାଇଁ କଲବଲ୍ ହେଲେଣି। ତେଣୁ ନିବେଦନ କରୁଛି ଇନ୍ଦ୍ର ଦେବଙ୍କ ବିରୋଧରେ ଆବଶ୍ୟକ କାର୍ଯ୍ୟାନୁଷ୍ଠାନ ନିଅନ୍ତୁ। ସୁମିତଙ୍କ ଏହି ଅଭିଯୋଗ ପତ୍ରକୁ ତହସିଲଦାର କାର୍ଯ୍ୟାନୁଷ୍ଠାନ ପାଇଁ ଆଗକୁ ବଢାଇଛନ୍ତି। ଅଭିଯୋଗ ପତ୍ର ଭାଇରାଲ୍ ହେବା ପରେ ଜିଲ୍ଲାପାଳ ଡ. ଉଜ୍ଜ୍ଵଳ କୁମାର ଘଟଣାକୁ ଗମ୍ଭୀରତାର ସହ ନେଇଛନ୍ତି। ମାମଲାର ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି।
ଲୋକେ ପ୍ରଶ୍ନ କରିଛନ୍ତି ଯେ, ଏହି ଧରଣର ଅଭିଯୋଗ ପତ୍ରକୁ ନପଢି ତହସିଲଦାର କେମିତି କାର୍ଯ୍ୟାନୁଷ୍ଠାନ ନେବାକୁ କହିଲେ।
ଲୋକେ ପ୍ରଶ୍ନ କରିଛନ୍ତି ଯେ, ଏହି ଧରଣର ଅଭିଯୋଗ ପତ୍ରକୁ ନପଢି ତହସିଲଦାର କେମିତି କାର୍ଯ୍ୟାନୁଷ୍ଠାନ ନେବାକୁ କହିଲେ।
Powered by Froala Editor