ସୋନୁଙ୍କ ପାଇଁ ୧୦୦୦ କି.ମି ସାଇକେଲରେ ଆସିଲେ ରାଜୁ
କରୋନା ସମୟରୁ ସୋନୁ ସୁଦ ଲୋକଙ୍କ ପାଇଁ ଅନେକ କିଛି କରିଛନ୍ତି । ଏବେ ମଧ୍ୟ ଲୋକଙ୍କ ଅସୁବିଧା ସମୟରେ ସାହାଯ୍ୟ କରିବାକୁ ଆଗେଇ ଆସୁଛନ୍ତି । ତେଣୁ ତାଙ୍କର ଫ୍ୟାନ ଓ ଫଲୋଅର୍ସ ଅଧି । ସେହି ଫ୍ୟାନ୍ ମାନଙ୍କ ମଧ୍ୟରେ ଏମିତି ଜଣେ ଅଛନ୍ତି ଯିଏକି ତାଙ୍କୁ ଦେଖାକରିବାକୁ ସାଇକେଲରେ ଆନ୍ଧ୍ରପ୍ରଦେଶରୁ ମୁମ୍ବାଇ ସାଇକେଲରେ ଆସିଛନ୍ତି ।
ଏହି ଫ୍ୟାନ୍ଙ୍କ ନାମ ହେଉଛି ରାଜୁ । ସୋନୁଙ୍କୁ ଭେଟିବାକୁ ସେ ଦୀର୍ଘ ୧୫ ଦିନ ଧରି ସାଇକେଲ ଚଳାଇ ୧୦୦୦ କିମି ଅତିକ୍ରମ କରି ମୁମ୍ବାଇରେ ପହଞ୍ଚିଛନ୍ତି । ରାଜୁ ଯେତେବେଳେ ସୋନୁଙ୍କୁ ଭେଟିଲେ, ସେ ପିନ୍ଧିଥିବା ଟି-ସାର୍ଟରେ ସୋନୁଙ୍କ ଫଟୋ ଛପିଥିଲେ । ସୋନୁ ନିଜର ଏହି ଖାସ୍ ଫ୍ୟାନ୍ଙ୍କ ସହ ଅନେକ ଫଟୋ ଉଠାଇଛନ୍ତି । ସୋନୁ କହିଛନ୍ତି, ତାଙ୍କୁ ଭେଟିବାକୁ ନିଜ ଜୀବନକୁ ବିପଦରେ ନ ପକାଇ ଲୋକେ ପରସ୍ପରକୁ ସାହାଯ୍ୟ କରନ୍ତୁ ।
ସୂଚନା ଯେ, ସୋନୁଙ୍କ ସମାଜସେବା କରୋନା ଲକ୍ଡାଉନ୍ରେ ସୀମିତ ହୋଇ ନାହିଁ । ନିଜର ସଂଗଠନ ଜରିଆରେ ଏବେ ବି ସେ ବିଭିନ୍ନ ଢଙ୍ଗରେ ଲୋକଙ୍କୁ ସାହାଯ୍ୟ କରୁଛନ୍ତି ।
Powered by Froala Editor
