ଫିଲ୍ମ ‘ଫୋନ୍ ଭୁତ୍’ର ମୋସନ୍ ରିଲିଜ୍, ଦମ୍ଦାର୍ ଲୁକ୍ରେ ସାମ୍ନାକୁ ଆସିଲେ କ୍ୟାଟ୍ରିନା
ମୁମ୍ବାଇ: ବହୁ ପ୍ରତିକ୍ଷୀତ ଫିଲ୍ମ ‘ଫୋନ୍ ଭୁତ୍’ର ମୋସନ୍ ରିଲିଜ୍ ହୋଇଛି । ଯେଉଁଥିରେ ଏକ ସୁନ୍ଦର ଭୁତ୍ର କାର୍ଟୁନ୍ ଆସୁଛି । ଚଳଚ୍ଚିତ୍ରର ମୋସନ୍ ରିଲିଜ୍ ହେବା ପରେ ଦର୍ଶକଙ୍କ ମଧ୍ୟରେ ଉତ୍କଣ୍ଠା ବଢ଼ି ଯାଇଛି । ଏହି ଫିଲ୍ମରେ କ୍ୟାଟ୍ରିନା କୈଫ୍ଙ୍କୁ ଏକ ଦମ୍ଦାର୍ ଲୁକ୍ରେ ଦେଖିବାକୁ ପାଇବେ ଦର୍ଶକ । ତାଙ୍କ ସହ ସିଦ୍ଧାନ୍ତ ଚର୍ତୁରବେଦୀ ଓ ଇଶାନ୍ ଖଟ୍ଟର ବି ନଜର ଆସିବେ ।
କ୍ୟାଟ୍ରିନା ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ହ୍ୟାଣ୍ଡେଲରେ ଫିଲ୍ମର ମୋସନ ପୋଷ୍ଟର ସେୟାର କରି କ୍ୟାଟ୍ରିନା କ୍ୟାପସନରେ ଲେଖିଛନ୍ତି, ଏକ ଭୟଙ୍କର ଭୁତ କମେଡି ଆସୁଛି, ପ୍ରସ୍ତୁତ ରୁହ । ଚଳଚ୍ଚିତ୍ରକୁ ଗୁରୁମିତ ସିଂ ନିର୍ଦ୍ଦେଶନା ଦେଇଥିବା ବେଳେ ରବି ଶଙ୍କରନ ଏବଂ ଜସବିନ୍ଦର ସିଂ ଲେଖିଛନ୍ତି । ରିତେଶ ସିଦ୍ଧୱାନୀ ଏବଂ ଫରହାନ୍ ଅଖତରଙ୍କ ପ୍ରଡକ୍ସନ୍ କମ୍ପାନୀ ଏକ୍ସେଲ୍ ଏଣ୍ଟରଟେନମେଣ୍ଟ ଦ୍ୱାରା ଏହା ନିର୍ମିତ ହୋଇଛି ।
ଅଭିନେତା ବିକି କୌଶଲଙ୍କୁ ବିବାହ ପରେ କ୍ୟାଟ୍ରିନା କିଛି ଦିନ ହେବ ଫିଲ୍ମ ଦୁନିଆରୁ ଦୂରେଇ ରହିଥିଲେ । ଏବେ ପୁଣି ଥରେ ଏଣ୍ଟ୍ରି ମାରିଛନ୍ତି । ଯାହାକୁ ନେଇ ତାଙ୍କ ଫ୍ୟାନ୍ମାନେ ବେଶ୍ ଉତ୍ସାହିତ ଥିବା ଜଣାପଡ଼ିଛି । ଫିଲ୍ମଟି କେବେ ରିଲିଜ୍ ହେବ ତାକୁ ଚାହିଁ ବସିଛନ୍ତି । ସେହିଭଳି କ୍ୟାଟ୍ରିନା, ସିଦ୍ଧାନ୍ତ ଓ ଇଶାନ୍ ପ୍ରଥମ ଥର ପାଇଁ ଏକାଠି କାମ କରିଛନ୍ତି । ଏମାନଙ୍କ ଯୋଡ଼ିଙ୍କୁ ବି ଦର୍ଶକ ଖୁବ୍ ପସନ୍ଦ କରିବେ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଆଶା କରାଯାଇଛି । ତେବେ ଏହା ମୁକ୍ତିଲାଭ କରିବା ପରେ ଜଣାପଡ଼ିବ ଫିଲ୍ମଟି ବକ୍ସ ଅଫିସ୍ରେ କିଭଳି କାରବାର କରୁଛି ।
Powered by Froala Editor
