ପୁଣି ଭାରତ ଆକାଶରେ ଉଡିଲା ପାକିସ୍ତାନ ଡ୍ରୋନ
ଶ୍ରୀନଗର: ପୁଣି ଭାରତ ଆକାଶରେ ଉଡିଲା ପାକିସ୍ତାନ ଡ୍ରୋନ । ଜମ୍ମୁର ଅର୍ନିଆ ଅଞ୍ଚଳରେ ଏକ ପାକିସ୍ତାନ ଡ୍ରୋନ ଉଡୁଥିବାର ଦେଖିବାକୁ ମିଳିଛି । ସୀମା ସୁରକ୍ଷାବଳ ପକ୍ଷରୁ ଡ୍ରୋନକୁ ଗୁଳିମାଡ କରାଯାଇଛି । ପରେ ସନ୍ଦିଗ୍ଧ ଡ୍ରୋନ୍ଟି ପାକିସ୍ତାନ ପାର୍ଶ୍ବକୁ ଫେରିଯାଇଥିବା କହିଛି ବିଏସଏଫ । ଆଜି ଭୋର ପାଖାପାଖି ୪ଟା ୪୫ରେ ଘଟଣା ଘଟିଛି ।
ଅର୍ନିଆ ଅଞ୍ଚଳରେ ହଠାତ ଆକାଶରେ ଏକ ଲାଇଟ ଦେଖାଯାଇଥିଲା । ବିଏସଏଫ ସଙ୍ଗେ ସଙ୍ଗେ ଆଲର୍ଟ ହୋଇଯାଇଥିଲେ । ଡ୍ରୋନକୁ ଗୁଳିମାଡ କରି ଖସାଇବାକୁ ଚେଷ୍ଟା କରିଥିଲେ । ପାଖାପାଖି ୩୦୦ ମିଟର ଦୂରରେ ଡ୍ରୋନ ଉଡୁଥିବା ଫୋର୍ସ ପକ୍ଷରୁ କୁହାଯାଇଛି । ସେନା ଗୁଳିମାଡ କରିବା କ୍ଷଣି ଡ୍ରୋନ ପାକିସ୍ତାନ ପାର୍ଶ୍ବକୁ ପଳାଇଯାଇଥିଲା । ଏହା ପରେ ଭାରତ ବିଏସଏଫ ଭାରତ-ପାକିସ୍ତାନ ଏବଂ ଭାରତ ବାଂଲାଦେଶ ସୀମାରେ ସର୍ଚ୍ଚ ଅପରେସନ ଚଳାଇଛି ।ସୀମାରେ ଡ୍ରୋନ କାର୍ୟ୍ୟକଳାପ ବଢିବାରେ ଲାଗିଛି ।
Powered by Froala Editor
