ସାମୁହିକ ବନ୍ଦ ରହିବ କପିଲ୍ ଶର୍ମା ଶୋ’
ମୁମ୍ବାଇ: କପିଲ ଶର୍ମା ଶୋ’ର ଦର୍ଶକଙ୍କ ପାଇଁ ଦୁଃଖଦ ଖବର । କିଛିଦିନ ପାଇଁ ଏହି ଶୋ’ ବନ୍ଦ ରହିବ । ଫଳରେ ତାଙ୍କ ଫ୍ୟାନ୍ସମାନେ ଆଉ ହସି ପାରିବେନି । ତେବେ ଏହା ବେଶି ସମୟ ଲାଗି ନୁହେଁ । ସାମୁହିକ ଭାବେ ବନ୍ଦ ହେବ ।
ରିପୋର୍ଟ ଅନୁଯାୟୀ, ଦୀର୍ଘ ସମୟ ଧରି ପ୍ରସାରିତ ହେଉଥିବା ଶୋ’ କପିଲ ଶର୍ମା କିଛି ସମୟ ପାଇଁ ବ୍ରେକ୍ ନେଉଛନ୍ତି । ବାସ୍ତବରେ, ହୋଷ୍ଟ କପିଲ ଶର୍ମା ଏବଂ ତାଙ୍କ ଟିମ୍ କୌଣସି କାର୍ଯ୍ୟ ପାଇଁ ଆମେରିକା ଯାଉଛନ୍ତି । ଫଳରେ ସୋନି ଟିଭିରେ ପ୍ରସାରିତ ଏହି ଲୋକପ୍ରିୟ ଶୋ’ ବନ୍ଦ ରହିବାକୁ ନିଷ୍ପତ୍ତି ନିଆଯାଇଛି ।
କମେଡି ନାଇଟ୍ ଉଇଥ୍ କପିଲ୍ ଶର୍ମାର ଏହା ସିଜିନ୍-୩ ଥିଲା । ଏଥିରେ ବହୁ ବିଶିଷ୍ଟ ବ୍ୟକ୍ତି ଯୋଗ ଦେଇଥିଲେ । ଅଭିନେତା, ଅଭିନେତ୍ରୀଙ୍କ ଠାରୁ ଆରମ୍ଭ କରି କ୍ରିକେଟର୍, ରାଜନେତା ଓ ସେଲିବ୍ରିଟି ଏହି ଶୋ’ରେ ଅତିଥି ଭାବେ ଉପସ୍ଥିତ ରହିବା ସହ ଦର୍ଶକଙ୍କୁ ହସାଇ ହସାଇ ବେଦମ କରିଥିଲେ । ଢେର୍ ସାରା ମନୋରଞ୍ଜନ କରାଇଥିଲେ । ଏବେ ଏହା କିଛି ଦିନ ବନ୍ଦ ରହିବ ବୋଲି ଶୁଣିବା ପରେ ସମସ୍ତେ ଦୁଃଖ ପ୍ରକାଶ କରିଛନ୍ତି । ପୁଣି କେବେ ଏହା ଆରମ୍ଭ ହେବ ତାହାକୁ ଉତ୍କଣ୍ଠାର ସହ ଚାହିଁ ବସିଛନ୍ତି ।
Powered by Froala Editor
