ସୁଶାନ୍ତଙ୍କୁ ଶ୍ରଦ୍ଧାଞ୍ଜଳି : କେଦାରନାଥରେ ହେବ ଫଟୋଗ୍ରାଫି ପଏଣ୍ଟ
ଦୀର୍ଘ ୨ ବର୍ଷ ପରେ ବି ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ରହସ୍ୟ ଉପରୁ ପରଦା ହଟି ପାରିନାହିଁ । ଇତିମଧ୍ୟରେ ଉତ୍ତରାଖଣ୍ଡ ସରକାର ସୁଶାନ୍ତଙ୍କ ସ୍ମୃତିରେ ଏକ ବିଶେଷ ଘୋଷଣା କରିଛନ୍ତି । ଉତ୍ତରାଖଣ୍ଡର କେଦାରନାଥରେ ସୁଶାନ୍ତ ସିଂ ରାଜପୁତଙ୍କ ନାମରେ ଏକ ଫଟୋଗ୍ରାଫି ପଏଣ୍ଟ କରାଯିବ । ଏହି ଫଟୋଗ୍ରାଫି ପଏଣ୍ଟରେ ତୀର୍ଥଯାତ୍ରୀ, ଅଭିନେତାଙ୍କ ପ୍ରଶଂସକ ଫଟୋ ଉଠାଇ ପାରିବେ ।
ଉତ୍ତରାଖଣ୍ଡର ପର୍ଯ୍ୟଟନ ମନ୍ତ୍ରୀ ସତପାଲ ମହାରାଜ ଏହି ସୂଚନା ଦେଇ କହିଛନ୍ତି, ଆମେ ଚାହୁଁଛୁ କେଦାରନାଥରେ ସୁଶାନ୍ତ ସିଂ ରାଜପୁତଙ୍କ ନାଁରେ ଫଟୋଗ୍ରାଫି ପଏଣ୍ଟ କରି ତାଙ୍କୁ ଶ୍ରଦ୍ଧାଞ୍ଜଳି ଦେଉଛୁ ।
ସୂଚନାଯୋଗ୍ୟ, ଫିଲ୍ମ କେଦାରନାଥରେ ସୁଶାନ୍ତ ସିଂ ରାଜପୁତ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିଥିଲେ । 'କେଦାରନାଥ'ରେ ତାଙ୍କର ନିଖୁଣ ଅଭିନୟକୁ ନେଇ ଏହି ନିଷ୍ପତ୍ତି ନିଆଯାଇଛି ।
Powered by Froala Editor
