ନଡ଼ିଆ ବୋଝେଇ ଟ୍ରକ୍ରୁ ମିଳିଲା ଗଞ୍ଜେଇ
ଏକ ନଡିଆ ବୋଝେଇ ଟ୍ରକ୍ରୁ ଧରା ପଡିଛି ୮ କୁଇଣ୍ଟାଲ ୨୦ କେଜି ଗଞ୍ଜେଇ । ଜୟପୁର ଅବକାରୀ ବିଭାଗ ଧରପଗଡ କରି ଏହି ଗଞ୍ଜେଇ ଜବତ କରିଛି । ଏଥିରେ ସମ୍ପୃକ୍ତ ଥିବା ଜଣଙ୍କୁ ଗିରଫ କରାଯାଇଛି। ସେ ହେଲେ ବିହାରର ପ୍ରଭୁ ଜାନି। ଏହି ଚଢ଼ାଉରେ କୋରାପୁଟ ଅବକାରୀ ସୁପରିଣ୍ଟେଣ୍ଡେଣ୍ଟ ମନୋଜ ସେଠୀ, ଅବକାରୀ ନିରୀକ୍ଷକ ଦୁର୍ବାଦଳ ବିଶ୍ୱାଳ, ଓଆଇସି ସଞ୍ଜୟ ତାଣ୍ଡି, ଏଏସ୍ଆଇ ଏମ୍. ଲକ୍ଷ୍ମଣ ରାଓ, ମାଧବେଶ ମାରାଣ୍ଡି ପ୍ରମୁଖ ସାମିଲ ହୋଇଥିଲେ।
ଏକ ନଡ଼ିଆ ବୋଝେଇ ଟ୍ରକ୍ରେ କୋରାପୁଟ ପଟୁ ଜୟପୁର ଦେଇ ଗଞ୍ଜେଇ ଚାଲାଣ ହେଉଥିବା ସୂଚନା ମିଳିଥିଲା। ଏହାକୁ ଆଧାରକରି ଅବକାରୀ କମିଶନର ଆଶିଷ କୁମାର ସିଂଙ୍କ ନିର୍ଦ୍ଦେଶରେ ଜୟପୁର ଘାଟିରେ ଟ୍ରକ୍ (ବିଆର୍ ୨୫ ଜି- ୯୫୩୬)କୁ ଅଟକାଇ କର୍ମଚାରୀମାନେ ଯାଞ୍ଚ କରିଥିଲେ। ଟ୍ରକ୍ରୁ ୮ କୁଇଣ୍ଟାଲ ୨୦ କେଜି ଗଞ୍ଜେଇ ମିଳିଥିଲା। ଏହାର ବଜାର ମୂଲ୍ୟ ୪୧ ଲକ୍ଷ ଟଙ୍କା ହେବ।
Powered by Froala Editor
