ଭୁବନେଶ୍ୱର: ଲୋକପ୍ରିୟ ଅଭିନେତା, ଓଲିଉଡ୍ ସୁପରଷ୍ଟାର ତଥା କେନ୍ଦ୍ରାପଡା ସାଂସଦ ଅନୁଭବ ମହାନ୍ତି ଓ ଓଡିଶାର ଲୋକପ୍ରିୟ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ପାରିବାରିକ ମାମଲାରେ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । କୋର୍ଟରେ କେସ୍ ବିଚାରଧୀନ ଥବାବେଳେ ଅନୁଭବ ମହାନ୍ତି ନିକଟରେ ଏକ ଭିଡିଓ ଜାରି କରି ନିଜ ମନର ବ୍ୟଥା ଓ ବେଦନା ପରିପ୍ରକାଶ କରିଥିଲେ ।

ପୁଣି କାଲି ଏକ ଭିଡିଓରେ ଅନୁଭବ ବର୍ଷାଙ୍କ ଗୁମର ଖୋଲିଛନ୍ତି । ସେ କହିଛନ୍ତି ବର୍ଷା ଓ ତାଙ୍କର ବିବାହ ପରେ   ସବୁବେଳେ ବର୍ଷା ତାଙ୍କୁ ବାହା ହୋଇ ନିଜ ଫିଲ୍ମ କ୍ୟାରିୟର ବର୍ବାଦ କରିଦେଲେ ବୋଲି କୁହନ୍ତି । ଏହାସହିତ ସେ ଆହୁରି ମଧ୍ୟ କୁହନ୍ତି ଯେ, ସେ  ଓଲିଉଡର ନମ୍ବର ୧ ହିରୋଇନ୍ ଥିଲେ । ବିବାହ ପରେ ନିଜ କ୍ୟାରିୟରରେ ସେ ତଳକୁ ଖସିଗଲେ । 

ଏହାସହିତ ଅନୁଭବ ଆଉ ଏକ ବଡ କଥା କହିଛନ୍ତି ଯେ, ବର୍ଷା ଅନ୍ୟ ହିରୋଇନ୍ ମାନଙ୍କୁ ସହି ପାରନ୍ତି ନାହିଁ । ସେମାନଙ୍କ ମେକଅପ୍ ମ୍ୟାନ ଓ କଷ୍ଟୁ୍ୟମ୍ ଡିଜାଇନର୍ ସହ କଣ୍ଟାକ୍ଟ କରି, ସେମାନଙ୍କ ମେକଅପ୍ ଓ କଷ୍ଟୁ୍ୟମ୍ କିପରି ଖରାପ ହେବ, ସେ ବିଷୟରେ କଥା ହୁଅନ୍ତି । ଏହା ଜାଣିଲା ପରେ ତାଙ୍କୁ ବହୁତ ଖରାପ ଲାଗିଥିଲା ବୋଲି ଅନୁଭବ କହିଛନ୍ତି । ଏମିତିକି ତାଙ୍କ ଛୋଟ ଝିଆରୀ ଅଭିସାରିକାକୁ ବି ବର୍ଷା ସହିପାରନ୍ତିନି ବୋଲି ଅନୁଭବ ଉକ୍ତ ଭିଡିଓରେ କହିଛନ୍ତି । 

Powered by Froala Editor