'ଲକ୍ଅପ୍' ୱିନର ହେଲେ ମୁନୱର, ୨୦ ଲକ୍ଷ ସହ ଜିତିଲେ ଇଟାଲୀ ଯାତ୍ରା ଉପହାର
ଦମଦାର ସିଜିନରେ ଚାଲିଥିବା ଲକ୍ଅପ୍ ଶୋ’ର ୱିନର ହୋଇଛନ୍ତି ମୁନୱର ଫାରୁକି । ଶନିବାର ରାତିରେ ଏହି ଶୋ’ର ଗ୍ରାଣ୍ଡ ଫାଇନାଲ୍ ହୋଇଥିଲା ଯେଉଁଥିରେ କଙ୍ଗନା ପ୍ରତିଯୋଗୀ ମୁନୱର ଫାରୁକିଙ୍କୁ ବିଜେତା ଘୋଷଣା କରିଥିଲେ । ମୁନୱର ଟ୍ରଫି ସହିତ ୨୦ ଲକ୍ଷ ଟଙ୍କା ନଗଦ ଅର୍ଥ ରାଶି , ମାରୁତି ଏର୍ଟିଗା କାର ଏବଂ ଇଟାଲୀ ଯାତ୍ରା କରିବା ପାଇଁ ପୁରସ୍କାର ପାଇଛନ୍ତି ।
ତେବେ ବିଜେତାଙ୍କ ନାମ ଘୋଷଣା ହେବା ପରେ ଶୋ'ର ହୋଷ୍ଟ ତଥା ବଲିଉଡ ନାୟିକା କଙ୍ଗନା ରାନାୱତ ମୁନାୱରଙ୍କୁ ଆଲିଙ୍ଗନ କରିଥିଲେ । ଆଉ ମୁନାୱର ଏଥିରେ ଭାବୁକ ହୋଇ ଯାଇଥିଲେ । ଏହାର ଫଟୋ ଓ ଭିଡିଓ ଏବେ ସୋସିଆଲ ମିଡିଆରେ ଆସିବା ପରେ ମୁନାୱରଙ୍କ ପ୍ରଶଂସକଙ୍କ ମହଲରେ ଖୁସିର ଲହରି ଖେଳି ଯାଇଛି । ଏହି ପ୍ରତିଯୋଗୀତାରେ ଟପ ଥ୍ରୀରେ ପାୟଲ ରୋହତଗି, ଅଞ୍ଜଳି ଆରୋରା ଓ ମୁନାୱାର ଫାରୁକି ଥିବା ବେଳେ ମୁନାୱର ବିଜେତା ଘୋଷିତ ହୋଇଛନ୍ତି । ପାୟଲ ରୋହତଗିଙ୍କୁ ପରାସ୍ତ କରି ମୁନୱାର ଏହି ବିଜୟ ହାସଲ କରିଛନ୍ତି ।
ଅନ୍ୟପଟେ କଙ୍ଗନା ଗ୍ରାଣ୍ଡ୍ ଫାଇନାଲ୍ ରେ ଏକ ବଡ଼ ଖୁଲାସା କରିଥିଲେ । ସେ କହିଥିଲେ ଯେ ଶୋ’ରେ ବନ୍ଦୀ ଭାବରେ ରହୁଥିବା ପ୍ରିନ୍ସ ନରୁଲା ପ୍ରକୃତରେ ଜଣେ ବନ୍ଦୀ ନୁହଁନ୍ତି। ପ୍ରିନ୍ସଙ୍କୁ ଏକ ବଡ ପ୍ରୋଜେକ୍ଟ ମିଳିଥିଲା । ତାଙ୍କୁ ଅନ୍ୟ କଏଦୀମାନଙ୍କଠାରୁ ରହସ୍ୟ ବାହାର କରିବା ଏବଂ ବାକି କଏଦୀଙ୍କୁ ହଇରାଣ କରିବା ପାଇଁ ତାଙ୍କୁ ଶୋ’କୁ ଅଣାଯାଇଥିଲା ।
Powered by Froala Editor
