ଖୁବ୍ଶୀଘ୍ର କନିକା କପୁରଙ୍କ ପଡ଼ିବ ହାତଗଣ୍ଠି, ବୟଫ୍ରେଣ୍ଡଙ୍କ ସହ ସେୟାର କଲେ ଫଟୋ
ମୁମ୍ବାଇ: କରୋନା ସଂକ୍ରମଣ କମିବା ପରେ ଏବେ ବଲିଉଡ୍ରେ ଚାଲିଛି ବିବାହ ଋତୁ । ଦୁଇ ବର୍ଷ ଧରି ଅପେକ୍ଷା କରିଥିବା ଅନେକ ଲଭ୍ ବାର୍ଡ ବିବାହ ବନ୍ଧନରେ ବାନ୍ଧି ହେଉଛନ୍ତି । ନିକଟରେ ଅନେକ ସେଲିବ୍ରିଟି ତାଙ୍କ ଜୀବନ ସାଥୀ ବାଛିଛନ୍ତି । ଏହି ତାଲିକାରେ ସାମିଲ ହୋଇଛନ୍ତି କଣ୍ଠଶିଳ୍ପୀ କନିକା କପୁର । ଖୁବ୍ଶୀଘ୍ର ସେ ହାତକୁ ଦି ହାତ ହେବାକୁ ଯାଉଛନ୍ତି ।
୪୩ ବର୍ଷ ବୟସରେ କନିକା ଦ୍ୱିତୀୟ ବିବାହ କରିବାକୁ ଯାଉଛନ୍ତି । ସେ ତାଙ୍କ ବୟଫ୍ରେଣ୍ଡଙ୍କୁ ସାତ ଜନ୍ମର ସାଥୀ ଭାବେ ଗ୍ରହଣ କରିବେ । କନିକାଙ୍କ ବୟଫ୍ରେଣ୍ଡ ଜଣେ ଏନ୍ଆର୍ଇ ବ୍ୟବସାୟୀ । ଦୀର୍ଘ ଦିନ ଧରି କନିକା ତାଙ୍କ ସହିତ ସମ୍ପର୍କରେ ରହିଛନ୍ତି । ଡେଟ୍ ମଧ୍ୟ କରୁଛନ୍ତି । ଯାହା ଶୁଣିବାକୁ ମିଳୁଛି ଆସନ୍ତା ୨୦ ତାରିଖରେ କନିକା ବିବାହ କରିବେ । ହେଲେ ଏନେଇ ଅଫିସିଆଲ୍ ଭାବେ ସେ କିଛି ଘୋଷଣା କରିନାହାନ୍ତି । ଖୁବ୍ଶୀଘ୍ର ଏନେଇ କନିକା ନିଷ୍ପତ୍ତି ନେବେ ବୋଲି ଆଲୋଚନା ହେଉଛି ।
ନିକଟରେ କନିକା ତାଙ୍କ ଇନ୍ଷ୍ଟାଗ୍ରାମ୍ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି । ଯାହା ଏବେ ଭାଇରାଲ୍ ହେଉଛି । ଏଥିରେ କନିକା ତାଙ୍କ ହାତ ସହ ଜଣେ ପୁରୁଷଙ୍କ ହାତ ଧରିଛନ୍ତି । ଫଟୋ କ୍ୟାପସନ୍ରେ ହାର୍ଟର ଇମୋଜି ଦେଇଛନ୍ତି । ଯାହା ଜଣାପଡ଼ୁଛି ଏହା ତାଙ୍କ ବୟଫ୍ରେଣ୍ଡ ତଥା ଭାବି ସ୍ୱାମୀଙ୍କ ହାତ । ଯଦିଓ ଏନେଇ ଏ ପର୍ଯ୍ୟନ୍ତ କିଛି ଅଫିସିଆଲ୍ ଘୋଷଣା ହୋଇନି, କିନ୍ତୁ ହାର୍ଟ ସେପ୍ ଇମୋଜିରୁ ସବୁ କିଛି ସ୍ପଷ୍ଟ ବାରି ହୋଇପଡ଼ୁଛି । କନିକାଙ୍କୁ ତାଙ୍କ ଫ୍ୟାନ୍ସ ଓ ଶୁଭେଚ୍ଛୁମାନେ ଅଭିନନ୍ଦନ ଜଣାଇବା ସହିତ ଫଟୋକୁ ଲାଇକ୍ ଓ ସେୟାର କରୁଛନ୍ତି । ଏବେ ଦେଖିବାକୁ ବାକି ରହିଲା କନିକା କେବେ ଅଫିସିଆଲ୍ ଭାବେ ବିବାହ ତାରିଖ ଘୋଷଣା କରୁଛନ୍ତି ଆଉ କାହାକୁ ଜୀବନ ସାଥୀ ଭାବେ ବାଛୁଛନ୍ତି ।
Powered by Froala Editor
