କଂଗ୍ରେସ ଛାଡ଼ିଦେଲେ ଅଶ୍ୱିନୀ, ବିଜେପିରେ ମିଶିବେ
ତିନି ଥର ବିଧାୟକ ଥିବା କଂଗ୍ରେସ ବରିଷ୍ଠ ନେତା ଅଶ୍ୱିନୀ କୋତୱାଲ୍ ଦଳ ଛାଡ଼ିଛନ୍ତି। ଦଳ ତାଙ୍କୁ ଅଣଦେଖା କରିଛି ବୋଲି ସେ ଅଭିଯୋଗ କରି କଂଗ୍ରେସରୁ ଇସ୍ତଫା ଦେଇଛନ୍ତି। ଏନେଇ ସେ ବାଚସ୍ପତି ନିମାବେନ ଆଚର୍ଯ୍ୟଙ୍କୁ ତାଙ୍କ ଇସ୍ତଫାପତ୍ର ପଠାଇଛନ୍ତି।
ଅଶ୍ୱିନୀ ଉତ୍ତର ଗୁଜରାଟର ଖେଦବ୍ରହ୍ମ ବିଧାନସଭାରୁ ୩ ଥର ବିଧାୟକ ହୋଇଛନ୍ତି। ହେଲେ ଦଳ ତାଙ୍କୁ ଅବହେଳା କରୁଥିବା ଅଭିଯୋଗ କରିଛନ୍ତି। ଅଶ୍ୱନି ଗୁଜୁରାଟ ବିଧାନସଭାରେ ବିରୋଧ ଦଳର ନେତା ହେବା ପାଇଁ ଦାବିଦାର ଥିଲେ। ହେଲେ କଂଗ୍ରେସ ହାଇକମାଣ୍ଡ ଅନ୍ୟ ଜଣେ ଆଦିବାସୀ ନେତା ସୁଖରାମ ରଥୱାଙ୍କୁ ଏହି ପଦରେ ନିଯୁକ୍ତି ଦେଇଥିଲେ। ଏଥିରେ ଅସନ୍ତୋଷ ପ୍ରକାଶ କରି ଅଶ୍ୱନୀ ଦଳ ଛାଡ଼ିଛନ୍ତି। ତେବେ କଂଗ୍ରେସରୁ ଇସ୍ତଫା ଦେବା ପରେ ଅଶ୍ୱିନୀ ବିଜେପିରେ ଯୋଗ ଦେବା ନେଇ ସ୍ଥିର ହୋଇଛି। ସେ ମଙ୍ଗଳବାର ତାଙ୍କ ସମର୍ଥକଙ୍କ ସହ ବିଜେପିରେ ମିଶିବେ ବୋଲି ସ୍ଥିର ହୋଇଛି।
Powered by Froala Editor