ଭୁବନେଶ୍ୱର : ବଲାଙ୍ଗୀର ମେଡ଼ିକାଲ କଲେଜର ଛାତ୍ର ନିଶାନ୍ତ କୁମାର ଛାତରୁ ଖସି ମୃତୁ୍ୟବରଣ କରିଛନ୍ତି  । ପ୍ରଥମେ ଦୁର୍ଘଟଣାବଶତଃ ଛାତରୁ ପଡ଼ିଥାଇପାରନ୍ତି ବୋଲି କୁହାଯାଉଥିବାବେଳେ ଏବେ କିନ୍ତୁ ଏହାର ଆଉ ଦିଗ ପଦାକୁ ଆସିଛି  । କଲେଜରେ ସିନିଅରମାନେ ବହୁତ ରାଗିଂ କରୁଥିବାରୁ ଛାତ୍ରଙ୍କର ମୃତୁ୍ୟ ଘଟିଥିବାର ପ୍ରାରମ୍ଭିକ ପ୍ରମାଣ ମିଳିଛି  ।

ମିଳିଥିବା ତଥ୍ୟ ଅନୁଯାୟୀ, ହରିୟାଣାରୁ ଆସିଥିବା ଏହି ଡାକ୍ତରୀ ଛାତ୍ରଙ୍କୁ ରାଗିଂ କରାଯାଉଥିଲା  । ନିଜ ସାଙ୍ଗକୁ ସେ ମେସେଜ କରି ଏହା ଜଣାଇଥିଳେ  । ଘରକୁ ମଧ୍ୟ ଫୋନ କରି ଜଣାଇଥିଲେ  । ତେବେ କାଳେ ଆକ୍ରୋଶ ରଖି ସିନିଅରମାନେ ଅଧିକ ହଇରାଣ କରିବେ ସେଥିପାଇଁ ସେ ଲିଖିତ ଅଭିଯୋଗ କରିନଥିଲେ  । ସେ ଆତ୍ମହତ୍ୟା କରିଛନ୍ତି ନା ହତ୍ୟା, ତାହା ତ ଭିନ୍ନ କଥା, କିନ୍ତୁ ରାଗିଂଯେ, ଏକ ବଡ଼କାରଣ ସେନେଇ କିଛି ପ୍ରମାଣ ମିଧ୍ୟ ମିଳିଛି  । 

ବଲାଙ୍ଗୀର ମେଡ଼ିକାଲ କଲେଜର ଭଲିବଲ କୋର୍ଟରେ ଜୁନିଅରମାନଙ୍କୁ ଖେଳିବାର ସୁଯୋଗ ମିଳୁନଥିଲା  । ବରଂ ସେମାନଙ୍କୁ ଠିଆ ହୋଇ ଖେଳ ଦେଖିବାକୁ ବାଧ୍ୟ କରାଯାଉଥିଲା  । ପାର୍କକୁ ମଧ୍ୟ ସେମାନେ ଯାଇପାରୁନଥିଲେ  । ଅପରପକ୍ଷରେ ଏନେଇ ପୁଙ୍ଖାନୁପୁଙ୍ଖ ତଦନ୍ତ ପାଇଁ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରାଯାଇଥିବାବେଳେ ନିଶାନ୍ତଙ୍କ ବାପା ଥାନାରେ ଏତଲା ଦେଇଛନ୍ତି  । କ୍ୟାମ୍ପସକୁ ରାଗିଂ ଫ୍ରି କରାଯିବା ସହ ନିଶାନ୍ତଙ୍କୁ କେଉଁ କେଉଁ ଛାତ୍ରମାନେ ରାଗିଂ କରୁଥିଲେ ତାହାର ତଦନ୍ତ କରି ଦଣ୍ଡ ଦେବାକୁ ରାଗିଂ ଫ୍ରି କ୍ୟାମ୍ପସ ଅଭିଯାନର ଆବାହକ ତେଜେଶ୍ୱର ପରିଡ଼ା ଦାବି କରିଛନ୍ତି  । 

Powered by Froala Editor