ଆରଏସଏସ୍ କର୍ମୀଙ୍କୁ ହତ୍ୟା, ବାଇକ୍ରେ ଆସିଥିଲେ ୫ ଜଣ
କେରଳର ପାଲକକଡ଼ ଅଞ୍ଚଳରେ ଜଣେ ଆରଏସଏସ୍ କର୍ମୀଙ୍କୁ ଶନିବାର ଗଳାକାଟି ହତ୍ୟା କରାଯାଇଛି। ହତ୍ୟାର ଶିକାର ହୋଇଥିବା କର୍ମୀ ଜଣକ ହେଲେ ୪୫ ବର୍ଷୀୟ ଶ୍ରୀନିବାସନ। ରିପୋର୍ଟ ଅନୁସାରେ ଦୁଇଟି ବାଇକରେ 5 ଜଣ ଦୁର୍ବୃତ୍ତ ଆସି ଶ୍ରୀନିବାସନଙ୍କୁ ଆକ୍ରମଣ କରିଥିଲେ। ଶନିବାର ପ୍ରାୟ ଗୋଟାଏ ବେଳେ ଶ୍ରୀନିବାସନଙ୍କ ଉପରେ ଆକ୍ରମଣ କରାଯାଇଥିବା ଜଣାପଡିଛି। ସେହି ସମୟରେ ସେ ନିଜ ଦୋକାନ ଭିତରେ ଥିଲେ । ଏହି ଆକ୍ରମଣରେ ଶ୍ରୀନିବସାନ ଗୁରୁତର ରୂପେ ଆହତ ହୋଇଥିଲେ। ପରେ ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା, ଯେଉଁଠି ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା। ଏହି ହତ୍ୟାକାଣ୍ଡ ମାମଲାରେ ବର୍ତ୍ତମାନ ସୁଦ୍ଧା କାହାକୁ ଗିରଫ କରାଯାଇ ନାହିଁ।
ସ୍ଥାନୀୟ ଅଞ୍ଚଳର ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ(ପିଏଫଆଇ)ର ଜଣେ ସଦସ୍ୟ ସୁବାଇର୍ ଙ୍କ ହତ୍ୟାର ୨୪ ଘଣ୍ଟା ନପୁରୁଣୁ ଉପରୋକ୍ତ ହତ୍ୟାକାଣ୍ଡ ଘଟିଛି। ଅନ୍ୟପଟେ ଏହି ହତ୍ୟାକାଣ୍ଡ ପଛରେ ଏସଡିପିଆଇର ହାତ ଥିବା ବିଜେପି ଅଭିଯୋଗ କରିଛି। ତାଙ୍କୁ ମଧ୍ୟ ଗଳାକାଟି ହତ୍ୟା କରାଯାଇଛି।
Powered by Froala Editor
