ମାହାଙ୍ଗା ଗଣହତ୍ୟା : କ୍ରାଇମସିନ ରିକ୍ରିଏସନ
ମାହାଙ୍ଗା: ଖୋଲୁଛି ମାହାଙ୍ଗା ଗଣହତ୍ୟା ଗୁମର । ରିମାଣ୍ଡରେ ହତ୍ୟା ଷଡ଼ଯନ୍ତ୍ରର ସତ କହୁଛି ଶିବପ୍ରସାଦ । ଆଜି ରିମାଣ୍ଡର ଦ୍ୱିତୀୟ ଦିନରେ ଆହୁରି ଖୋଳତାଡ଼ କରୁଛି ପୋଲିସ । ଆଜି ଅଭିଯୁକ୍ତ ଶିବ ପ୍ରସାଦକୁ ନେଇ କ୍ରାଇମସିନ ରିକ୍ରିଏସନ କରୁଛି । ହତ୍ୟାର ଡେମୋ ଦେଖାଉଛି ଅଭିଯୁକ୍ତ । କଳାରାତିର ସତ କଣ ? କେବଳ ଜାଗା ବିବାଦ ନା ହତ୍ୟା ପଛରେ ରହିଛି ଆଉ କିଛି କାରଣ? ହତ୍ୟାରେ ଗୋଟିଏ ନା ଅଧିକ ମାରଣାସ୍ତ୍ରର ବ୍ୟବହାର ହୋଇଛି? ଏକାକୀ କେମିତି ୫ଜଣଙ୍କୁ ମାରିଦେଲା ଅଭିଯୁକ୍ତ? ଏକୁଟିଆ ମର୍ଡର କରିଥିବା ଶିବ ମାନିଥିଲେ ମଧ୍ୟ ଏନେଇ କ୍ରସ ଇଣ୍ଟୋରୋଗେସନ୍ କରୁଛି ପୋଲିସ । ଆଜି ଏସବୁର ଖୁଲାସା କରିପାରେ ଅଭିଯୁକ୍ତ ।
ସେପଟେ ହତ୍ୟା ଘଟଣାରେ ସାମ୍ନାକୁ ଆସିଛି ଚାଞ୍ଚଲ୍ୟକର ତଥ୍ୟ। ୫ଜଣଙ୍କ ହାତ, ଗୋଡ଼ର ପ୍ରମୁଖ ଶିରା କାଟି କରାଯାଇଛି ହତ୍ୟା । ପ୍ରତ୍ୟେକ ମୃତ ଦେହରେ ଧାରୁଆ ଅସ୍ତ୍ରରେ ଏକାଧିକ ଥର ହାଣିଥିଲା ହତ୍ୟାକାରୀ । ବେକ ଓ ମୁଣ୍ଡରେ ଗଭୀର କ୍ଷତ ଚିହ୍ନ ରହିଛି । ମୃତ ଦେହକୁ ଘୋଷାଡ଼ି ଘୋଷାଡ଼ି ଗୋଟିଏ ଘରେ ପକା ଯାଇ ବାହାରୁ ତାଲା ପକାଇ ଦେଇଥିଲା ଅଭିଯୁକ୍ତ ଶିବ । ଏପରିକି ଘରର ମୁଖ୍ୟ ଦ୍ୱାର ବାହାର ପଟୁ ତାଲା ପକାଇ ଦେଇଥିଲା ଶିବ ପ୍ରସାଦ ।
Powered by Froala Editor
