ଶୀଘ୍ର ମାଲେସିଆରେ ଭାରତର UPIରେ ନେଣଦେଣ ନେଇ ଘୋଷଣା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମାଲେସିଆ ପ୍ରଧାନମନ୍ତ୍ରୀ ଅନଓ୍ବର ଇବ୍ରାହିମଙ୍କ ସହ କ୍ବାଲାଲମ୍ବୁରରେ ଭାରତୀୟ ସମୁଦାୟଙ୍କୁ ସମ୍ବୋଧିତ କରିବା ବେଳେ ମୋଦି ଏହି ଘୋଷଣା କରିଛନ୍ତି । ଏହାସହ ନୂଆ କନସ୍ୟୁଲେଟ୍ ଖୋଲିବା ନେଇ ମଧ୍ୟ ଘୋଷଣା କରିଛନ୍ତି । ଏହା ଭାରତ ଓ ମାଲେସିଆ ମଧ୍ୟରେ ସମ୍ପର୍କକୁ ଆହୁରି ଦୃଢ଼ କରିବ ବୋଲି ପ୍ରଧାନମନ୍ତ୍ରୀ କହିଛନ୍ତି ।

ଏହି ଗସ୍ତ ପୂର୍ବରୁ, ପ୍ରଧାନମନ୍ତ୍ରୀ ମୋଦି ସ୍ପଷ୍ଟ ଭାବରେ ସୂଚିତ କରିଛନ୍ତି ଯେ ଭାରତ ଏବେ ପ୍ରତିରକ୍ଷା, ସୁରକ୍ଷା, ଅର୍ଥନୀତି ଏବଂ ନବସୃଜନ ଭଳି ପ୍ରମୁଖ କ୍ଷେତ୍ରରେ ମାଲେସିଆ ସହିତ ସହଯୋଗକୁ ଆହୁରି ମଜବୁତ କରିବାକୁ ଚାହୁଁଛି। ପ୍ରସ୍ଥାନ ପୂର୍ବରୁ ଜାରି ଏକ ବିବୃତ୍ତିରେ, ପ୍ରଧାନମନ୍ତ୍ରୀ ମୋଦୀ ଉଲ୍ଲେଖ କରିଛନ୍ତି ଯେ ଭାରତ ଏବଂ ମାଲେସିଆ ଏକ ଐତିହାସିକ ସମ୍ପର୍କ ବହନ କରନ୍ତି ଏବଂ ବର୍ଷ ବର୍ଷ ଧରି ଏହି ସମ୍ପର୍କ ସ୍ଥିର ଭାବରେ ମଜବୁତ ହୋଇଛି। ସେ ମାଲେସିଆ ପ୍ରଧାନମନ୍ତ୍ରୀ ଅନୱର ଇବ୍ରାହିମଙ୍କ ସହିତ ବିସ୍ତୃତ ଆଲୋଚନା ପାଇଁ ଉତ୍ସାହ ପ୍ରକାଶ କରିଛନ୍ତି।

ଭାରତୀୟ ବଂଶୋଦ୍ଭବଙ୍କୁ ସମ୍ବେଧିତ କରି ପ୍ରଧାନମନ୍ତ୍ରୀ କହିଛନ୍ତି, ଆପଣମାନେ ନୁଇ ଦେଶକୁ ଯୋଡ଼ି ରଖିଛନ୍ତି । ଆପଣମାନେ ରୁଟି କୋନାଇକୁ ମାଲାବାର ପରାଟା ସହ ଯୋଡ଼ିଛନ୍ତି । ନଡିଆ ଓ ମସଲାର ସ୍ବାଦ ସେ କ୍ବାଲାଲମ୍ପୁର ହେଉ କି କୋଚି ବହୁତ ଚିହ୍ନା ଚିହ୍ନା ଲାଗୁଛି । ଆମେ ପରସ୍ପରକୁ ବହୁତ ଭଲ ଭାବେ ବୁଝିଥାନ୍ତି । କାରଣ ଆମ ଭାଷାରେ ବହୁତ ସମାନତା ରହିଛି । ମୁଁ ଶୁଣିଛିଳ ମାଲେସିଆରେ ଭାରତୀୟ ସିନେମା ଓ ଗୀତର ଲୋକପ୍ରିୟତା ରହିଛି । ଆପଣମାନେ ଜାଣିଛନ୍ତି ପ୍ରଧାନମନ୍ତ୍ରୀ ଅନଓ୍ବର ଇବ୍ରାହିମ ବହୁତ ଭଲ ଗୀତ ଗାଇଥାନ୍ତି । ହେଲେ ଭାରତରେ ବହୁତ ଲୋକ ଏହା ଜାଣିନଥିଲେ । ଗତ ଗସ୍ତ ସମୟରେ ସେ ବହୁତ ଖୁସି ଥିଲେ । ଭାରତରେ ତାଙ୍କର ଏକ ପୁରୁଣା ହିନ୍ଦି ଗୀତ ଭାଇରାଲ ହେଉଛି । 

ଆହୁରି ମଧ୍ୟ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଭାରତର ଡିଜିଟାଲ୍ ପେମେଣ୍ଟ ପ୍ଲାଟଫର୍ମ ୟୁପିଆଇ ଖୁବ୍ ଶୀଘ୍ର ମାଲେସିଆରେ ପ୍ରଚଳନ କରାଯିବ। କାରଣ ସେ ଦୁଇ ଦେଶ ମଧ୍ୟରେ ଅର୍ଥନୈତିକ, ପ୍ରତିରକ୍ଷା ଏବଂ ଲୋକ-ଜନ ସମ୍ପର୍କକୁ ଆହୁରି ଘନିଷ୍ଠ କରିବା ପାଇଁ ଦୁଇ ଦିନିଆ ଗସ୍ତ ଆରମ୍ଭ କରିଛନ୍ତି।

Powered by Froala Editor