ଜିଆଙ୍କ ସହ ନିର୍ବନ୍ଧ କଲେ କି ଏଲଭିଶ, ଫଟୋ ଭାଇରାଲ
ଲୋକପ୍ରିୟ ୟୁଟ୍ୟୁବର୍ ଏଲଭିଶ ଯାଦବ ଅଭିନେତ୍ରୀ ଜିଆ ଶଙ୍କରଙ୍କୁ ନିର୍ବନ୍ଧ କରିଥିବା ଚର୍ଚ୍ଚାକୁ ଆସିଛି । ଦୁହିଁଙ୍କ ହାତ ଧରିଥିବା ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ନିକଟରେ ଏଲଭିଶ ଏକ ରହସ୍ୟମୟ ହାତ ଧରିଥିବା ଫଟୋ ଫଟୋ ସେୟାର କରି ନିଜର ପ୍ରେମ ସମ୍ପର୍କ ବିଷୟରେ ସୂଚନା ଦେବା ପରେ ପ୍ରଶଂସକମାନେ ଦ୍ୱନ୍ଦ୍ୱରେ ପଡ଼ିଯାଇଛନ୍ତି।
ଏଲଭିଶ ନିଜ ଇନଷ୍ଟାଗ୍ରାମ ଷ୍ଟୋରୀରେ ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ ଜଣେ ଯୁବତୀଙ୍କ ହାତ ଧରିଥିବା ନଜର ଆସୁଛନ୍ତି। ସେହି ଯୁବତୀଙ୍କ ହାତରେ ଏକ ବଡ଼ ହୀରା ମୁଦି ମଧ୍ୟ ରହିଛି। ଏହି ଫଟୋ ସହିତ ଏଲଭିଶ କ୍ୟାପସନରେ ଲେଖିଛନ୍ତି, “ଭଲପାଇବାକୁ ଆଉ ଏକ ସୁଯୋଗ ଦେଲି ।” ଏଲଭିଶ ଏହି ପୋଷ୍ଟରେ ଅଭିନେତ୍ରୀ ଜିଆ ଶଙ୍କରଙ୍କୁ ଟ୍ୟାଗ୍ କରିଛନ୍ତି। ବିଶେଷ କଥା ହେଉଛି, ଜିଆ ମଧ୍ୟ ଏହି ପୋଷ୍ଟକୁ ନିଜ ଇନଷ୍ଟାଗ୍ରାମରେ ରି-ପୋଷ୍ଟ କରିଛନ୍ତି।
ସୂଚନାଯୋଗ୍ୟ ଯେ, ଏଲଭିଶ ଯାଦବ ଏବଂ ଜିଆ ଶଙ୍କରଙ୍କୁ ‘ବିଗ୍ ବସ୍ OTT ୨’ରେ ଏକାଠି ଦେଖିବାକୁ ମିଳିଥିଲା। ଏଲଭିଶ ଏହି ସୋ’ର ବିଜେତା ହୋଇଥିବା ବେଳେ ଜିଆ ଶୀଘ୍ର ଏଭିକ୍ଟ ହୋଇଯାଇଥିଲେ।
Powered by Froala Editor
