ପୁଣି ତାଲିମ ପ୍ରାପ୍ତ ବିମାନ ଦୁର୍ଘଟଣାଗ୍ରସ୍ତ
ନୂଆଦିଲ୍ଲୀ: ପୁଣି ଏକ ତାଲିମ ପ୍ରାପ୍ତ ବିମାନ ଦୁର୍ଘଟଣା ହୋଇଥିବା ସାମ୍ନାକୁ ଆସିଛି । ଦୁର୍ଘଟଣାରେ କୌଣସି କ୍ଷୟକ୍ଷତି ହୋଇ ନଥିବା ସୂଚନା ମିଳିଛି।
କର୍ଣ୍ଣାଟକର ବିଜୟାପୁର ଜିଲ୍ଲାର ବାବଲେଶ୍ୱର ତାଲୁକର ମାଙ୍ଗାଲୋର ଗାଁରେ ଏକ ତାଲିମ ବିମାନ ଦୁର୍ଘଟଣା ସାମ୍ନାକୁ ଆସିଛି । ଡ଼ିଜିସିଏ ସୂଚନା ଅନୁଯାୟୀ ରେଡ୍ ବାର୍ଡ ଆଭିଏସନ୍ ର ଏକ ତାଲିମ ବିମାନକୁ ଇଞ୍ଜିନ୍ରେ ତ୍ରୁଟି ଦେଖାଦେବା କାରଣରୁ ଏକ ପଡିଆରେ ଅବତରଣ କରାଯାଇଛି । ବାଗଲକୋଟ ନିକଟସ୍ଥ ପଡିଆରେ ବିମାନଟି ଜବରଦସ୍ତ ଅବତରଣ କରିବା ଯୋଗୁଁ ଦୁର୍ଘଟଣା ହୋଇଥିଲା । ବିମାନରେ ଥିବା ପାଇଲଟ୍ ଏବଂ ଜଣେ ପ୍ରଶିକ୍ଷାର୍ଥୀ ପାଇଲଟ୍ ସୁରକ୍ଷିତ ଅଛନ୍ତି । ଉଭୟଙ୍କୁ ନିକଟସ୍ଥ ହସ୍ପିଟାଲ ନିଆଯାଇଛି । ପୁଲିସ ଏବଂ ବିମାନ ଚଳାଚଳ କର୍ତ୍ତୃପକ୍ଷ ଘଟଣାର ତଦନ୍ତ ଆରମ୍ଭ କରିଛନ୍ତି ।
Powered by Froala Editor
