୧୧ ବର୍ଷ ପରେ କନ୍ୟା ସନ୍ତାନର ଜନନୀ ହେଲେ ଦେବିନା, ସୋସିଆଲ ମିଡିଆରେ ପୋଷ୍ଟ ସେୟାର କଲେ ଗୁରମିତ
ବିବାହର ୧୧ ବର୍ଷ ପରେ ଅଭିନେତ୍ରୀ ଦେବିନା ବାନାର୍ଜୀ ଓ ଅଭିନେତା ଗୁରମିତ୍ ଚୌଧୁରୀ ପିତାମାତା ହୋଇଛନ୍ତି। ଦେବିନା ଏପ୍ରିଲ ୩ରେ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ଗୁରୁମିତ ଏହି ଖୁସି ଖବରକୁ ସୋସିଆଲ ମିଡିଆରେ ପୋଷ୍ଟ ସେୟାର କରି ସୂଚନା ଦେଇଛନ୍ତି।
ଗୁରୁମିତ ସୋସିଆଲ ମିଡିଆ ଆକାଉଣ୍ଟରେ ଏହି ଖୁସି ଖବରକୁ ଅତି ସୁନ୍ଦର ଭାବରେ କ୍ୟାପସନରେ ଲେଖି ଲେଖିଛନ୍ତି – ‘କୃତଜ୍ଞତା ସହିତ ଆମେ ଆମର ଶିଶୁ କନ୍ୟାକୁ ଏହି ଦୁନିଆରେ ସ୍ୱାଗତ କରୁଛୁ … ଆପଣଙ୍କର ପ୍ରେମ ଏବଂ ଆଶୀର୍ବାଦ ପାଇଁ ସମସ୍ତଙ୍କୁ ଧନ୍ୟବାଦ। ଭିଡିଓରେ ପ୍ରଥମେ ଗୁରୁମିତଙ୍କ ହାତ ରହିଛି, ତା’ପରେ ଦେବିନାଙ୍କ ହାତ ଏବଂ ଶେଷରେ କୁନି ଝିଅର ହାତ ଦେଖିବାକୁ ମିଳିଛି।
ଗୁରୁମିତ ଏବଂ ଦେବିନା ସିରିଏଲ ‘ରାମାୟଣ’ର ସେଟରେ ପରସ୍ପରକୁ ଭେଟିଥିଲେ। ଯେଉଁଥିରେ ଗୁରୁମିତ ରାମ ଏବଂ ଦେବିନା ସୀତା ଭୂମିକାରେ ଅଭିନୟ କରିଥିଲେ। ବିବାହ ପୂର୍ବରୁ ଦୁହେଁ ଦୀର୍ଘ ସମୟ ଧରି ଡେଟ କରିଥିଲେ। ୨୦୧୧ରେ ଗୁରୁମିତ ଏବଂ ଦେବିନା ବିବାହ କରିଥିଲେ। ହେଲେ ଦୀର୍ଘ ଦିନ ଧରି ସେମାନେ ସନ୍ତାନର ପିତାମାତା ହୋଇପାରିନଥିଲେ । ତେଣୁ ଉତ୍ସାହର ସହ ଉଭୟ କନ୍ୟା ସନ୍ତାନକୁ ସ୍ୱାଗତ କରିଛନ୍ତି ।
Powered by Froala Editor
