ନିର୍ବାଚନ ଜିତିବା ପରେ ବେଆଇନ ଭାବେ ବନ୍ଧୁକ ଫୁଟାଇ ବିଜୟ ଉତ୍ସବ ପାଳନ କରିଛନ୍ତି ସୁବର୍ଣ୍ଣପୁର ଜିଲ୍ଲା ସୋନପୁର ପୌର ପରିଷଦର ୯ ନମ୍ବର ୱାର୍ଡରୁ ବିଜୟୀ ହୋଇଥିବା ବିଜେଡିର କଇରୁ ସ୍ୱାଇଁ । ଫଳାଫଳ ଘୋଷଣା ପରେ ନିଜ ୯ୱାର୍ଡରେ ସମର୍ଥକଙ୍କୁ ନେଇ ଚଳାଇଥିବା ବିଜୟ ଶୋଭାଯାତ୍ରା ସମୟରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଯାହାର ଭିଡ଼ଓ ଏବେ ସୋଶାଲ୍‌ ମିଡ଼ିଆରେ ଭାଇରାଲ୍‌ ହୋଇଛି। ଭିଡ଼ିଓଟି ମୋବାଇଲରୁ ମୋଇଲ୍‌ ଘୂରି ବୁଲୁଛି। ବିଜୟୀ କାଉନ୍‌ସିଲଙ୍କ ଏପରି କାର୍ଯ୍ୟକୁ ବିଭିନ୍ନ ମହଲରେ ନିନ୍ଦା କରାଯାଇଛି।

ପ୍ରକାଶ ଥାଉକି କଇରୁ ସ୍ୱାଇଁ ବିଜେଡିର ଜଣେ ବିରଷ୍ଠ ନେତା ହୋଇଥିବାବେଳେ ପୁର୍ବରୁ ସେ ସୋନପୁର ପୌର ପରିଷଦର ଅଧ୍ୟକ୍ଷ ମଧ୍ୟ ରହିସାରିଛନ୍ତି । ତେବେ ଆଜି ସାଧାରଣ ସ୍ଥାନରେ ବନ୍ଧୁକ ଫୁଟାଇ ସେଲିବ୍ରେସନ କରିବା ଭିଡିଓ ସୋସିଆଲ ମିଡିଆରେ ଭାଇରାଲ ହେବାପରେ ଏବେ ଏଭଳି ଘଟଣାକୁ ବିଭିନ୍ନ ମହଲରେ ନିନ୍ଦା କରାଯାଇଛି । ଏବେ ପ୍ରଶ୍ନ ଉଠୁଛି ଏଭଳି ସାଧାରଣ ସ୍ଥାନରେ ବ୍ୟବହାର ହୋଇଥିବା ବନ୍ଧୁକଟି କାହାର । ବନ୍ଧୁକ ଲାଇସନ୍ସ ଅଛି ନା ନାହିଁ । ସଧାରଣ ସ୍ଥାନରେ ଏଭଳି ବନ୍ଧୁକ ଫୁଟାଇବାକୁ କିଏ ଦେଲା ଅନୁମତି । ଏଭଳି ଅନେକ ପ୍ରଶ୍ନ ଏବେ ସାଧାରଣରେ ଉଙ୍କି ମାରୁଥିବାବେଳେ ଜିଲ୍ଲା ପୁଲିସ ପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ ।

Powered by Froala Editor