ଆଠଗଡ: ଆଜି ଆରମ୍ଭ ହୋଇଛି ପୌର ନିର୍ବାଚନ ପାଇଁ ଭୋଟିଂ  । ନେତା ବାଛୁଛନ୍ତି ସହରବାସୀ  । ଏନଏସି, ପୌର ଏବଂ ମହାନଗର ନିଗମର ୧୭ ଶହ ୩୭ ୱାର୍ଡରେ ନିର୍ବାଚନ ଆରମ୍ଭ ହୋଇଛି  । ରାଜ୍ୟର ୫୯ଟି ଏନଏସି, ୪୭ଟି ପୌର ପରିଷଦ ଏବଂ ୩ଟି ମହାନଗର ନିଗମରେ ଆରମ୍ଭ ହୋଇଛି ଭୋଟ  । ୪ ହଜାର ୩୭୩ ବୁଥରେ ମତଦାନ ସାବ୍ୟସ୍ତ କରୁଛନ୍ତି ମୋଟ ୪୦ ଲକ୍ଷରୁ ଅଧିକ ଭୋଟର  । ଅପରାହ୍ନ ୫ଟା ଯାଏ ଚାଲିବ ଭୋଟ ଗ୍ରହଣ  । ଚଳିତ ପୌର ନିର୍ବାଚନରେ ପ୍ରତି ବୁଥରେ ଦୁଇଟି ଇଭିଏମ୍ ରହିଛି  । ଗୋଟିଏ କାଉନସିଲର ବା କର୍ପୋରେଟରଙ୍କ ପାଇଁ ଏବଂ ଅନ୍ୟଟି ଅଧ୍ୟକ୍ଷ ବା ମେୟରଙ୍କ ପାଇଁ ରହିଛି  ।

ଆଠଗଡରେ ଇଭିଏମରେ ଯାନ୍ତ୍ରିକ ତ୍ରୁଟି ଯୋଗୁଁ ମତଦାନ ବାଧାପ୍ରାପ୍ତ ହୋଇଛି । ୩ନମ୍ବର ୱାର୍ଡର ୩ ନଂ ବୁଥରେ ଇଭିଏମ୍ ଅଟଳ ଯୋଗୁଁ ଭୋଟିଂରେ ବିଳମ୍ବ ହୋଇଛି ।
ସେହିପରି ନୂଆପଡ଼ା ଓ ରାଜଧାନୀ ଭୁବନେଶ୍ୱରରେ ଏଭଳି ସମସ୍ୟା ସାମନାକୁ ଆସିଛି  । ନୂଆପଡ଼ା ଏନଏସିର ୧୨ ନଂ ବୁଥରେ ଇଭିଏମ ଅଚଳ ହୋଇଥିବା ଅଭିଯୋଗ ହୋଇଛି  ।  ବୁଥର କାଉନସିଲର ପଦବୀ ପାଇଁ ଉଦ୍ଧିଷ୍ଟ ଇଭିଏମ କାମ କରୁନି  ।  ଫଳରେ ଭୋଟ କେନ୍ଦ୍ର ବାହାରେ ୫୦୦ରୁ ଊଦ୍ଧ୍ୱର୍ ଭୋଟର ମତଦାନ ପାଇଁ ଅପେକ୍ଷା କରିଥିବା ଜଣାଯାଇଛି  ।

ଭୁବନେଶ୍ୱରରେ ଇଭିଏମରେ ଯାନ୍ତ୍ରିକ ତ୍ରୁଟି ଯୋଗୁ ମତଦାନ ବିଳମ୍ବ ହୋଇଛି  ।  ବିଏମସିର ୪୧ ନମ୍ବର ୱାର୍ଡର ୪୩୨ ନମ୍ବର ବୁଥରେ ମତଦାନ ବିଳମ୍ବ ହୋଇଛି  ।  ଏହାଛଡ଼ା ନୟାପଲ୍ଲୀର ୪୦୮ ନମ୍ବର  ବୁଥରେ ମଧ୍ୟ ମତଦାନ ବିଳମ୍ବ ହୋଇଛି  ।

Powered by Froala Editor