ବିଜେପି ଅଫିସ୍ରେ ନିଆଁ, ଟିଏମ୍ସି ଉପରେ ଦୋଷ ଲଦିଲା ବିଜେପି
ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଟିଏମସି ପୁଣିଥରେ ବାଜିମାତ କରିଛି। ଆଉ ଦଳ ବିଜୟୀ ହେବାପରେ ରାଜ୍ୟର ବିଭିନ୍ନ ସ୍ଥାନରେ ହିଂସା ଦେଖିବାକୁ ମିଳିଛି। ବିଜେପିର ଆରମବାଗରେ ପାର୍ଟି ଅଫିସରେ ନିଆଁ ଲାଗିଥିବା ଦେଖିବାକୁ ମିଳିଛି। ବିଜେପି ଅଭିଯୋଗ କରିଛି, ନିଆଁ ଟିଏମସି ସମର୍ଥକ ଲଗାଇ ଦେଇଛନ୍ତି । ବିଜେପି ନେତା ଅମିତ ମାଲବ୍ୟ ଟ୍ୱିଟରରେ ହୁଗଲିରେ ହୋଇଥିବା ଅଗ୍ନିକାଣ୍ଡର ଭିଡିଓ ଟ୍ୱିଟରରେ ସେୟାର କରିଛନ୍ତି । ୨୨ ସେକେଣ୍ଡର ଭିଡିଓରେ ବିଜେପି ଅଫିସରେ ଲାଗିଥିବା ଭୟାବହ ନିଆଁ ଦେଖାଯାଉଛି । ସେ ଟ୍ୱିଟ୍ କରି ଲେଖିଛନ୍ତି, ପଶ୍ଚିମବଙ୍ଗ ବିଧାନସଭା ନିର୍ବାଚନ ଫଳାଫଳ ଆସିବା ପରେ ଟିଏମସି ଗୁଣ୍ଡା ଆରାମବାଗରେ ଥିବା ବିଜେପି ଅଫିସ୍ ଜାଳି ଦେଇଛନ୍ତି । କଣ ଆଗାମୀ ୫ ବର୍ଷ ଯାଏ ପଶ୍ଚିମବଙ୍ଗରେ ଏମିତି ସ୍ଥିତି ଦେଇ ବଞ୍ଚିବାକୁ ପଡ଼ିବ ? ତେବେ ଟିଏମସି ଅଭିଯୋଗକୁ ଅଗ୍ରାହ୍ୟ କରିଛି।
ସୂଚନାଯୋଗ୍ୟ, ପଶ୍ଚିମବଙ୍ଗରେ ହିଂସା ବଢ଼ି ଚାଲିଛି। ନିର୍ବାଚନ ବେଳେ ମଧ୍ୟ ଅନେକ ବିଜେପି କର୍ମୀ ହତ୍ୟାର ଶିକାର ହୋଇଛନ୍ତି। ବିଜେପି ଓ ଟିଏମସି କାର୍ଯ୍ୟକର୍ତ୍ତାଙ୍କ ମଧ୍ୟରେ ଅନେକ ଥର ହିଂସାତ୍ମକ ମୁହାଁମୁହିଁ ହୋଇଥିବା ଦେଖିବାକୁ ମିଳିଛି । ସବୁବେଳେ ଉଭୟ ଉଭୟଙ୍କ ଉପରେ ଅଭିଯୋଗ ଆଣିଛନ୍ତି ।
Powered by Froala Editor
