ଉତ୍ତର ଇସ୍ରାଏଲରେ ଦଳାଚକଟା: ୪୪ ମୃତ
ଜେରୁସେଲମ୍: ଉତ୍ତର ଇସ୍ରାଏଲରେ ଏକ ଉତ୍ସବ ପାଳନ ବେଳେ ଦଳାଚକଟା ହୋଇଛି । ଏଥିରେ ୪୪ ଜଣଙ୍କ ମୃତ୍ୟୁ ଘଟିଥିବା ବେଳେ ୧୦୦ରୁ ଅଧିକ ବ୍ୟକ୍ତି ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ଅଧିକାଂଶଙ୍କ ଅବସ୍ଥା ସଙ୍କଟାପନ୍ନ ରହିଛି । ତେଣୁ ମୃତ୍ୟୁ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି । ଇସ୍ରାଏଲ୍ ସରକାର ଘଟଣାର ତଦନ୍ତ ପାଇଁ ଏକ ଉଚ୍ଚସ୍ତରୀୟ କମିଟି ଗଠନ କରିଛନ୍ତି । ତୁରନ୍ତ ରିପୋର୍ଟ ପ୍ରଦାନ କରିବାକୁ କୁହାଯାଇଛି ।
ସୂଚନା ଅନୁଯାୟୀ, ଉତ୍ତର ଇସ୍ରାଏଲରେ ସବୁଠାରୁ ବଡ଼ ପର୍ବ ଲାଗି ବି ଓମର ଉତ୍ସବ ପାଳନ କରାଯାଉଥିଲା । ଏଥିରେ ହଜାର ହଜାର ଲୋକ ସାମିଲ ହୋଇଥିଲେ । ଏହି ସମୟରେ ଷ୍ଟେଜ୍ ଭାଙ୍ଗିଯିବାରୁ ଦଳାଚକଟା ପରିସ୍ଥିତି ଉପୁଜି ଥିଲା । ଘଟଣାସ୍ଥଳରେ ୪୪ ଜଣଙ୍କ ମୃତ୍ୟୁ ଘଟିଛି । କୁହାଯାଉଛି, ଦଳାଚକଟାରେ ୧୦୩ରୁ ଅଧିକ ଆହତ ହୋଇଛନ୍ତି । ଆହତଙ୍କୁ ସ୍ଥାନୀୟ ଜିଭ୍ ହସ୍ପିଟାଲରେ ଭର୍ତ୍ତି କରାଯାଇଛି ।
Powered by Froala Editor
