ଶରୀର ପାଇଁ କ୍ଷତିକାରକ ହ୍ୱାଇଟ ବ୍ରେଡ!
![ଶରୀର ପାଇଁ କ୍ଷତିକାରକ ହ୍ୱାଇଟ ବ୍ରେଡ!](https://odishanewslens.com/news_gallery/11498_1646881974.jpg)
ଭୁବନେଶ୍ୱର: ଅଧିକାଂଶ ଲୋକ ବ୍ରେକଫାଷ୍ଟ କିମ୍ବା ସନ୍ଧ୍ୟାବେଳ ଜଳଖିଆରେ ବ୍ରେଡ ଖାଇବାକୁ ପସନ୍ଦ କରିଥାନ୍ତି । ଯଦିଓ ଏହା ଏକ ହଲ୍କା ଖାଦ୍ୟ ତଥାପି ଏହା ଶରୀର ପାଇଁ ଖୁବ କ୍ଷତିକାରକ ହୋଇଥାଏ । ବ୍ରେଡରେ ଥିବା ପୋଟାସିୟମ ବ୍ରୋମେଡ ଶରୀର ପାଇଁ ଅତ୍ୟନ୍ତ କ୍ଷତିକାରକ ହୋଇଥାଏ । ବିଶେଷ କରି ବ୍ରାଉନ ବ୍ରେଡ ତୁଳନାରେ ହ୍ୱାଇଟ ବ୍ରେଡ ଅଧିକ କ୍ଷତିକାରକ ହୋଇଥାଏ । ହ୍ୱାଇଟ ବ୍ରେଡରେ ପୋଷଣର ମାତ୍ରା ଜମା ନଥାଏ, ଏଥିରେ ଗ୍ଲାଇକୋସେମିକ ଇଣ୍ଡେକ୍ସ ଉଚ୍ଚମାତ୍ରାରେ ରହିଥାଏ, ଯାହା ରକ୍ତରେ ଶର୍କରା ମାତ୍ରା ବଢାଉ ଥିବାରୁ ମଧୁମେୟ ରୋଗୀଙ୍କ ପାଇଁ ଏହା ଅତ୍ୟନ୍ତ କ୍ଷତିକାରକ ହୋଇଥାଏ ।ଏହା ବ୍ଲଡ ପ୍ରେସର ରୋଗୀ ମାନଙ୍କ ପାଇଁ ମଧ୍ୟ ସମସ୍ୟା ଆଣିଥାଏ । ମୋଟା ଲୋକ ବ୍ରେଡ ଖାଇବା ଠାରୁ ଯଥେଷ୍ଟ ଦୂରେଇ ରହିବା ଉଚିତ୍ । କେବଳ ଏହା ଶାରୀରିକ ନୁହେଁ, ମାନସିକ ସ୍ୱାସ୍ଥ୍ୟ ଉପରେ ମଧ୍ୟ ପ୍ରଭାବ ପକାଇଥାଏ । ଆମେରିକାର “ଜର୍ନାଲ ଅଫ ନୁ୍ୟଟ୍ରିସନ” ଦ୍ୱାରା ପ୍ରକାଶ ହୋଇଥିବା ଏକ ରିପୋର୍ଟ ଅନୁଯାୟୀ ହ୍ୱାଇଟ୍ ବ୍ରେଡ ଖାଇବା ଦ୍ୱରା ଅଧକାଂଶ ମହିଳା ଡିପ୍ରେସନର ଶିକାର ହୁଅନ୍ତି ଓ ଏହା ଖାଇବା ଦ୍ୱାରା ଥକା ଲାଗିବା ସହ ବାନ୍ତି ଲାଗିଥାଏ ।
Powered by Froala Editor