ଛତିଶଗଡ଼ ବଜେଟ୍ ଉପସ୍ଥାପନ : ଚର୍ଚ୍ଚାରେ ବାଘେଲଙ୍କ ଗୋବର ନିର୍ମିତ ଆଟାଚି
ରାଜ୍ୟ ବଜେଟ ଉପସ୍ଥାପନ ବେଳେ ଆଜି ଚର୍ଚ୍ଚାରେ ରହିଛି ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କ ଗୋବର ତିଆରି ଆଟାଚି । ଏହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି। ବଜେଟ୍ ଉପସ୍ଥାପନ କରିବାକୁ ଗୋବର ନିର୍ମିତ ଚାରିକୋଣିଆ ବ୍ରିଫ୍କେସ୍ ଧରି ସେ ଫଟୋ ପାଇଁ ମଧ୍ୟ ପୋଜ୍ ଦେଇଛନ୍ତି।
ସୂଚନାଯୋଗ୍ୟ, ସୋମବାର ଦିନ ଛତିଶଗଡ଼ରେ ବଜେଟ୍ ଅଧିବେଶନ ଆରମ୍ଭ ହେବା ପରେ ଆଜି ୨୦୨୨-୨୩ର ବଜେଟ୍ ଉପସ୍ଥାପନ ପାଇଁ ସେ ଛତିଶଗଡ଼ ବିଧାନସଭାରେ ପହଞ୍ଚିଥିଲେ। ଏହି ସମୟରେ ସେ ଗୋଟିଏ ଆଟାଚି ଧରିଥିଲେ। ଆଟାଚିର ଚାରିପାଖରେ ଗହମ ରଙ୍ଗର ଖୋଦେଇ ହୋଇଛି। ସେହିପରି ଏହାକୁ ଧରିବା ପାଇଁ ହ୍ୟାଣ୍ଡେଲର ବ୍ୟବସ୍ଥା କରାଯାଇଛି।
କୃଷିକୁ ଅଧିକ ଲାଭପ୍ରଦ କରିବା, ବୁଲା ଗାଈଗୋରୁଙ୍କ ତତ୍ତ୍ବ ନେବା, ଜୈବ କୃଷିର ପ୍ରସାର ଏବଂ ଗ୍ରାମୀଣ ଅର୍ଥନୀତି ବିକାଶ ପାଇଁ ଭୂପେଶ ବାଘେଲ୍ ଅନେକ ପଦକ୍ଷେପ ଗ୍ରହଣ କରିଛନ୍ତି। ବଜେଟକୁ ଗୋବର ତିଆରି ଆଟାଚିରେ ଉପସ୍ଥାପନ କରି ଛତିଶଗଡ଼ ମୁଖ୍ୟମନ୍ତ୍ରୀ ବାଘେଲ ନୂଆ ଧାରା ଦୃଷ୍ଟି କରିଛନ୍ତି। ପୂର୍ବରୁ କୌଣସି ମୁଖ୍ୟମନ୍ତ୍ରୀ ଏପରି ଅଭିନବ ଢଙ୍ଗରେ ବଜେଟ ଉପସ୍ଥାପନ କରିଥିବା ଦେଖିବାକୁ ମିଳି ନଥିଲା।
Powered by Froala Editor
