ରାଜଶ୍ରୀ ଏବଂ ଶରଦଙ୍କୁ ପଛରେ ପକାଇ ସା ରେ ଗା ମା ପା’ ଟାଇଟଲ୍ ଜିତିଲେ ନୀଲଞ୍ଜନା
ରିଆଲିଟି ଶୋ’ ସା ରେ ଗା ମା ପା’ର ର ଫାଇନାଲରେ ବିଜେତା ହୋଇଛନ୍ତି ନୀଲଞ୍ଜନା ରାୟ। ସେ ରାଜଶ୍ରୀ ବାଗ ଏବଂ ଶରଦ ଶର୍ମାଙ୍କୁ ପଛରେ ପକାଇ ଟାଇଟଲ୍ ହାସଲ କରିଛନ୍ତି । ଶୋ’ର ବିଜେତା ହେବା ସହ ତାଙ୍କୁ ନଗଦ ୧୦ ଲକ୍ଷ ଟଙ୍କା ପୁରସ୍କାର ମଧ୍ୟ ମିଳିଛି।
‘ସାରେଗାମାପା’ର ଟ୍ରଫି ଜିତିବା ପରେ ନୀଲାଞ୍ଜନା ବେଶ୍ ଖୁସି ଅଛନ୍ତି। ଦର୍ଶକଙ୍କୁ ଓ ତାଙ୍କ ଫ୍ୟାନ୍ମାନଙ୍କୁ ବିପୁଳ ସଂଖ୍ୟା ଭୋଟ୍ ଦେଇଥିବାରୁ ସେ ଧନ୍ୟବାଦ ଜଣାଇଛନ୍ତି। ସେ ସାରେଗାମାପାର ବିଜେତା ହୋଇସାରିଥିବା ବିଶ୍ୱାସ କରିପାରୁନାହାନ୍ତି ବୋଲି କହିଛନ୍ତି।
ନୀଲାଞ୍ଜନା କହିଛନ୍ତି ସମସ୍ତ ଜଜ୍ଙ୍କ ଠାରୁ ବହୁତ କିଛି ଶିଖିବାକୁ ମିଳିଛି , ଆଗକୁ ମଧ୍ୟ ମିଳିବ । ଆମର ପରାମର୍ଶଦାତା ଏବଂ ଜୁରି ସଦସ୍ୟମାନେ ବହୁତ ସାହାଯ୍ୟ କରିଛନ୍ତି । ମୁଁ ରିହର୍ସାଲ୍ ଏବଂ ଟ୍ରେନିଂ ସମୟକୁ ବହୁତ ମନେ ପକାଇବି ।
ନୀଲାଞ୍ଜନାଙ୍କୁ କଡ଼ା ଟକ୍କର ଦେଇଥିବା ରାଜଶ୍ରୀ ବାଗ ଏବଂ ଶରଦ ଶର୍ମାଙ୍କୁ ସୋ’ର ପ୍ରଥମ ଏବଂ ଦ୍ୱିତୀୟ ରନର୍ସଅପ୍ ଘୋଷଣା କରାଯାଇଥିଲା। ରାଜଶ୍ରୀଙ୍କୁ ପୁରସ୍କାର ସ୍ୱରୂପ ୫ ଲକ୍ଷ ଟଙ୍କା ଦିଆଯାଇଥିବା ବେଳେ ଶରଦ ଶର୍ମାଙ୍କୁ ୩ ଲକ୍ଷ ଟଙ୍କା ପ୍ରଦାନ କରାଯାଇଛି।
Powered by Froala Editor
