ମୁମ୍ବାଇ: ଦୀର୍ଘ ବ୍ୟବଧାନ ପରେ ପୁଣି ଥରେ ପରଦାରେ ଏକାଠି ଦେଖିବାକୁ ମିଳିବ ଭାଇଜାନ୍ ଓ କ୍ୟାଟ୍‌ଙ୍କ ଯୋଡ଼ି । ଉଭୟଙ୍କ ରୋମାନ୍ସ ଦର୍ଶକଙ୍କୁ କରିବ ମତୁଆଲା । ତା’ ସହିତ ଆକ୍ସନ ସମସ୍ତଙ୍କ ଭିତରେ ଭରିଦେବ ଜୋସ୍ । ବହୁ ଚର୍ଚ୍ଚିତ ‘ଟାଇଗର୍‌-୩’ ରେ ଉଭୟ ନଜର ଆସିବେ । ଏହାର ଟିଜର୍ ରିଲିଜ୍ ହୋଇଥିବା ବେଳେ ଆସନ୍ତା ୨୦୨୩ ଏପ୍ରିଲ୍ ୨୧ରେ ବଡ଼ ପରଦାରେ ଏହା ମୁକ୍ତିଲାଭ କରିବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ଘୋଷଣା କରାଯାଇଛି । ଯାହାକୁ ନେଇ ଏବେଠୁ ଦର୍ଶକଙ୍କ ଭିତରେ ବଢ଼ିଲାଣି ଉତ୍କଣ୍ଠା ।

୫ବର୍ଷ ପରେ ପରଦାରେ ଧମାଲ କରିବାକୁ ଫୁଲ ଦମରେ ଆସୁଛି ଟାଇଗର-୩ ।
ଫିଲ୍ମରେ ଲିଡରେ ଅଛନ୍ତି ପୂର୍ବଭଳି ସଲମାଲ ଖାନ, କ୍ୟାଟ୍ରିନା କୈଫ । ତେବେ ଏଥର ଫିଲ୍ମରେ ଏଣ୍ଟ୍ରି କରିଛନ୍ତି କିସିଂ ବୟ ଇମ୍ରାନ ହାଜମୀ । ବହୁଦିନ ପରେ ଇମ୍ରାନଙ୍କୁ ଏକ ଆକ୍ସନ ମୁଭିରେ ଦେଖିବାକୁ ମିଳିବ । ଟିଜରରେ କ୍ୟାଟ୍ରିନା ଆକ୍ସନ ଲୁକରେ ନଜର ଆସୁଛନ୍ତି । ସେହିଭଲି ସଲମାଲ ପୂର୍ବଭଳି ଆଙ୍ଗ୍ରି ଓ ଆକ୍ସନ ଲୁକରେ ନଜର ଆସିଛନ୍ତି ।

ମନୀଷ ଶର୍ମା ଏହାର ନିର୍ଦେଶନା ଦେଉଥିବା ବେଳେ ଆଦିତ୍ୟ ଚୋପ୍ରା ଏହାର ପ୍ରଯୋଜନା କରିଛନ୍ତି । ଦେଶ ବିଦେଶର ବିଭିନ୍ନ ସ୍ଥାନରେ ଫିଲ୍ମ ସୁଟିଂ ଚାଲିଛି । ‘ଟାଇଗର୍‌ ୩’ ହିନ୍ଦୀ ସମେତ ତାମିଲ ଓ ତେଲୁଗୁ ଭାଷାରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଦର୍ଶକଙ୍କୁ ଫିଲ୍ମ ନିଶ୍ଚିତ ପସନ୍ଦ ଆସିବ ବୋଲି ପୂରା ଟିମ୍ ଆଶା ରଖିଛନ୍ତି ।

Powered by Froala Editor