ଦ୍ୱିତୀୟ ପର୍ୟ୍ୟାୟ ଆଲୋଚନା ବିଫଳ, ମିଶନ ୟୁକ୍ରେନ ନିଷ୍ପତ୍ତିରେ ଅଟଳ ରହିଛି ଋଷ
![ଦ୍ୱିତୀୟ ପର୍ୟ୍ୟାୟ ଆଲୋଚନା ବିଫଳ, ମିଶନ ୟୁକ୍ରେନ ନିଷ୍ପତ୍ତିରେ ଅଟଳ ରହିଛି ଋଷ](https://odishanewslens.com/news_gallery/11324_1646382310.jpg)
କିଭ୍: ୟୁକ୍ରେନରେ ଶାନ୍ତି ପ୍ରତିଷ୍ଠା ଲାଗି ଦୁଇ ଦେଶ ମଧ୍ୟରେ ହୋଇଥିବା ଦ୍ୱିତୀୟ ପର୍ୟ୍ୟାୟ ଆଲୋଚନା ବିଫଳ । ପୋଲାଣ୍ଡ-ବେଲାଋଷ ସୀମାନ୍ତରେ ଋଷ ଓ ୟୁକ୍ରେନ ପ୍ରତିନିଧିଙ୍କ ମଧ୍ୟରେ ଆଲୋଚନା ହୋଇଛି । ତେବେ ମିଶନ ୟୁକ୍ରେନ ନିଷ୍ପତ୍ତିରେ ଅଟଳ ରହିଛି ଋଷ । ୟୁକ୍ରେନ ନାଗରିକଙ୍କ ସୁରକ୍ଷା ପାଇଁ ଉଭୟ ପକ୍ଷ ମଧ୍ୟରେ ସହମତି ହୋଇଥିବା ଋଷ ପ୍ରତିନିଧି ଭ୍ଲାଦିମିର ମୋଦିନସ୍କ କହିଛନ୍ତି ।
ୟୁକ୍ରେନ ନାଗରିକଙ୍କ ସୁରକ୍ଷା ପାଇଁ ଉଭୟ ପକ୍ଷ ସହମତି ପ୍ରକାଶ କରିଛନ୍ତି । ବୈଠକ ପୂର୍ବରୁ ଫ୍ରାନ୍ସ ରାଷ୍ଟ୍ରପତି ଏମାନୁଏଲ ମାକ୍ରନ ପୁଟିନଙ୍କ ସହ କଥା ମଧ୍ୟ ହୋଇଥିଲେ । ମାତ୍ର ଏହା ବିଫଳ ହୋଇଛି । ୯୦ ମିନଟର କଥାବାର୍ତ୍ତା ପରେ ମାକ୍ରନ କହିଛନ୍ତି- ଆଗକୁ ୟୁକ୍ରେନ ଲାଗି ଅତି ଖରାପ ସମୟ ଆସୁଛି । ତେଣେ ୟୁକ୍ରେନରେ ଥିବା ସମସ୍ତ ଋଷୀୟ ସମ୍ପତ୍ତି ଜବତ କରିବା ଲାଗି ୟୁକ୍ରେନ ପାର୍ଲାମେଣ୍ଟରେ ପ୍ରସ୍ତାବ ଗୃହୀତ ହୋଇଛି ।
ଋଷର ଆକ୍ରମଣ ତଥା ଯୁଦ୍ଧ ଅପରାଧର ତଦନ୍ତ କରିବାକୁ ଜାତିସଂଘ ନିଷ୍ପତ୍ତି ନେଇଛି । ସେପଟେ ୟୁକ୍ରେନ ସମର୍ଥନରେ ପୁଣି ଋଷ ଉପରେ ପ୍ରତିବନ୍ଧକ ଲଗାଇଛି ଆମେରିକା । ଋଷର ୧୯ ବିଶିଷ୍ଟ ଲୋକଙ୍କୁ ଆମେରିକା ବ୍ୟାନ୍ କରିଛି । ସେମାନଙ୍କ ମଧ୍ୟରେ କେତେଜଣ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କର ଅତି ନିକଟତର ଥିବା ଜଣାପଡ଼ିଛି ।
Powered by Froala Editor