ସବୁଜ ରଙ୍ଗର କୁକୁର ଛୁଆ । ଦେଖିବାକୁ ଯେତିକି କୌତୁକିଆ ସେତିକି ମଜାଦାର ମଧ୍ୟ । ଯାହାର ଫଟୋ ଏବେ ସୋସସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯିଏ ଦେଖୁଛି ଆଶ୍ଚର୍ଯ୍ୟ ହେଉଛି । ତେବେ ଜାଣିବାକୁ ଚାହୁଁଛନ୍ତି ଏ କୁକୁର ଛୁଆ କେଉଁଠି ଜନ୍ମ ନେଇଛି । କାନାଡାରେ ଜନ୍ମ ନେଇଛି ଏହି କୁକୁର ଛୁଆ । ଯାହାର ମାଲିକ ହେଉଛନ୍ତି ଟ୍ରେବର ଓ ଆଡ୍ରା ।  

ମାଲିକ ଟ୍ରେବର ଓ ଆଡ୍ରା କହିଛନ୍ତି, ସବୁଜ ରଙ୍ଗର କୁକୁର ଛୁଆର ମା’ ବୁଲଡଗ ପ୍ରଜାତିର। କୁକୁର ନାମ କ୍ରିୟା। ସେ ଏହି କୁକୁର ଛୁଆକୁ ମିଶାଇ ୮ଟି ଛୁଆକୁ ଜନ୍ମ ଦେଇଛି। ଆଡ୍ରା ଫେସବୁକରେ ଏକ ପୋଷ୍ଟ ସେୟାର କରି ଲେଖିଛନ୍ତି, ‘ମୁଁ ଏଭଳି କୁକୁର ଛୁଆକୁ ଦେଖି ଭୟଭୀତ ହୋଇ ଯାଇଥିଲି। ବିଶ୍ବାସ କରି ପାରି ନଥିଲି କୁକୁର ଛୁଆର ରଙ୍ଗ ସବୁଜ ହୋଇଛି ବୋଲି। ଏହାପରେ ଗୁଗୁଲ ସର୍ଚ୍ଚ କରିବା ପ‌ରେ ଜାଣିବାକୁ ପାଇଲି କି ଏହା ଏକ ଦୁର୍ଲଭ କୁକୁର। ଏଭଳି କୁକୁର ଛୁଆ ଆମ ଘରେ ଜନ୍ମ ନେଇଥିବାରୁ ଆମେ ଭାଗ୍ୟବାନ। ସବୁଜ ରଙ୍ଗର ଥିବା ଏହି କୁକୁର ଛୁଆ ବଡ଼ ହେଲା ପର୍ଯ୍ୟନ୍ତ ସେମିତି ରଙ୍ଗ ଅତୁଟ ରହୁ। କାରଣ ଏହା ଦେଖିବାକୁ ବହୁତ ସୁନ୍ଦର ଲାଗୁଛି।’ ସେଠାକାର ଜଣେ ଡାକ୍ତର ମଧ୍ୟ ଏଭଳି କୁକୁର ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି । ଡାକ୍ତର କହିଛନ୍ତି, ୧୦ହଜାର ମଧ୍ୟରୁ ଏମିତି ଗୋଟିଏ ଘଟଣା ଦେଖିବାକୁ ମିଳିଥାଏ।

Powered by Froala Editor