ଦୀର୍ଘ ବର୍ଷ ଧରି ପରଦାରୁ ଦୂରେଇ ରହିଥିବା ଐଶ୍ବର୍ଯ୍ୟା ରାୟ ବଚ୍ଚନ ପୁଣି ଥରେ ଫେରୁଛନ୍ତି । ମଣିରତ୍ନମଙ୍କ ବହୁ ପ୍ରତିକ୍ଷୀତ ଫିଲ୍ମ ‘ପୋନ୍ନିୟିନ ସେଲବନ’ରେ ରୟାଲ ଲୁକ୍‌ରେ ନଜର ଆସିବେ ଐଶ୍ୱର୍ଯ୍ୟା । ମଦ୍ରାସ ଟକିଜ ଓ ଲାଇକା ପ୍ରଡକସନ ବୁଧବାର ଫିଲ୍ମର ଫାଷ୍ଟ ପୋଷ୍ଟର ସୋଶାଲ ମିଡିଆରେ ପୋଷ୍ଟ କରିଛନ୍ତି।  ଯେଉଁଥିରେ ଐଶ୍ବର୍ଯ୍ୟା ରାଣୀ ପରି ଦେଖାଯାଉଛନ୍ତି । ମଥାରେ ବଡ ଟିକିଲି, କାନରେ ଝୁମୁକା, ବେକରେ ରାଣୀ ହାର ପକାଇ ଦମଦାର ଭୂମିକାରେ ନଜର ଆସୁଛନ୍ତି ।

ଏହି ଫିଲ୍ମ ୨ ଭାଗରେ ରିଲିଜ ହେବ । ପ୍ରଥମ ଭାଗ ସେପ୍ଟେମ୍ବର ୩୦ରେ ରିଲିଜ ହେବ ବୋଲି ଘୋଷଣା ହୋଇଛି । କେବଳ ଏତିକି ହି ନୁହେଁ .. ଏହା ତାଲିମ୍‌, ମାଲାୟାଲମ୍‌, ତେଲୁଗୁ ଓ କନ୍ନଡ, ହିନ୍ଦୀରେ ରିଲିଜ୍‌ କରାଯିବ ।

ଫିଲ୍ମ ‘ପୋନ୍ନିୟିନ ସେଲବନ’ କାଳ୍କୀ କୃଷ୍ଣାମୂର୍ତ୍ତିଙ୍କ ଦ୍ୱାରା ଲିଖିତ ମହାକାବ୍ୟ ‘କାଳ କେ ଉପନ୍ୟାସ’ ଉପରେ ଆଧାରିତ । ଏହି ଉପନ୍ୟାସ ୧୯୯୫ରେ ଲେଖିଥିଲେ । ଫିଲ୍ମର ମ୍ୟୁଜିକ ଏଆର ରେହମାନ କମ୍ପୋଜ କରିଛନ୍ତି। ଏହି ଫିଲ୍ମରେ ଐଶ୍ୱର୍ଯ୍ୟାଙ୍କ ସମେତ ବିକ୍ରମ, ଜୟମ ରବି, ତ୍ରିଶା, ସରଥ କୁମାର, ରହମନ ପ୍ରମୁଖ ନଜର ଆସିବେ।

ଶେଷଥର ପାଇଁ ଐଶ୍ୱର୍ଯ୍ୟାଙ୍କୁ ୨୦୧୮ ଫନେ ଖାଁ ରେ ଦେଖିବାକୁ ମିଳିଥିଲା । ବର୍ତ୍ତମାନ ସେ ଏକ ବଡ ବଜେଟ୍ ପ୍ରୋଜେକ୍ଟ ସହ ସିଲଭର ସ୍କ୍ରିନ୍‌କୁ ଫେରିଛନ୍ତି । ଏହି ବିଗ୍‌ ବଜେଟ୍‌ ଫିଲ୍ମ ବିଷୟରେ ଅନେକ ଆଲୋଚନା ହୋଇଥିଲା। ଏବଂ ଐଶ୍ବର୍ଯ୍ୟାଙ୍କ ପ୍ରଶଂସକମାନେ ଫିଲ୍ମରେ ତାଙ୍କ ଲୁକ୍‌ ଦେଖିବା ପାଇଁ ଖୁବ୍‌ ଆଗ୍ରହୀ ଥିଲେ । ହେଲେ ବର୍ତ୍ତମାନ ସେମାନଙ୍କର ଅପେକ୍ଷା ଶେଷ ହୋଇଛି। ଫିଲ୍ମର ଫାଷ୍ଟ ଲୁକ୍‌ ସହ ରିଲିଜ୍ ଡେଟ୍‌ ମଧ୍ୟ ଘୋଷଣା କରାଯାଇଛି।

Powered by Froala Editor