ନୂଆଦିଲ୍ଲୀ: ଋଷ-ୟୁକ୍ରେନ ମଧ୍ୟରେ ବୃଦ୍ଧି ପାଉଛି ଯୁଦ୍ଧ ଆଶଙ୍କା । ଏଥିପାଇଁ ୟୁକ୍ରେନରୁ ଭାରତୀୟଙ୍କୁ ଆଣିବା ପ୍ରକ୍ରିୟା ଆରମ୍ଭ ହୋଇଛି । ୟୁକ୍ରେନ ଅଭିମୁଖେ ଏୟାର ଇଣ୍ଡିଆର ସ୍ୱତନ୍ତ୍ର ବିମାନ ଉଡାଣ କରିଛି  । କିଭର୍ ବୋରିସ୍ପିଲ ବିମାନବନ୍ଦରରେ  ଏୟାର ଇଣ୍ଡିଆ ଅବତରଣ କରିବ । ସପ୍ତାହକ ଭିତରେ ଭାରତୀୟମାନେ ୩ଟି ବିମାନରେ ଫେରିବେ ।
ସେପଟେ, ୟୁକ୍ରେନ୍-ଋଷ ସୀମାରେ ଅଶାାନ୍ତ ସ୍ଥିତି ଲାଗି ରହିଛି । କ୍ଷେପଣାସ୍ତ୍ର ପରୀକ୍ଷଣ, ସାମରିକ ସମରାଭ୍ୟାସ ଋଷ ଜାରି ରଖିଛି । ୟୁକ୍ରେନ୍ ଉପରେ ଋଷ ଯେକୌଣସି ସମୟରେ ଆକ୍ରମଣ କରିପାରେ ବୋଲି ଆମେରିକା ଦାବି କରିଛି । ୟୁକ୍ରେନ୍ ପାର୍ଶ୍ୱରୁ ସୀମା ନିକଟରେ ପ୍ରବଳ ଗୁଳିଗୋଳା ବର୍ଷା ହୋଇଥିବା ଋଷ ଦାବି କରିଛି  । ୟୁକ୍ରେନ୍ ପାର୍ଶ୍ୱରୁ କିଛି ଅନୁପ୍ରବେଶକାରୀ ଋଷ ସୀମା ଅତିକ୍ରମ କରିବାକୁ ଚେଷ୍ଟା କରିବାବେଳେ ଋଷ ସେନା ଏହାର ଜୋରଦାର ବିରୋଧ କରି ଏହି ଉଦ୍ୟମକୁ ପଣ୍ଡ କରିଛନ୍ତି ବୋଲି ଦାବି ହୋଇଛି ।
ଋଷ ସେନା ୟୁକ୍ରେନ୍ର ୫ ଷଡଯନ୍ତ୍ରକାରୀଙ୍କୁ ହତ୍ୟା କରିଛି । ୟୁକ୍ରେନ୍ର କିଛି ଅସ୍ତ୍ର ବୋଝେଇ ଗାଡିକୁ ଧ୍ୱଂସ କରାଯାଇଛି ବୋଲି ଋଷ ସେନା କହିଛି । କିନ୍ତୁ ୟୁକ୍ରେନ୍ ଏପରି ଦାବିକୁ ଖଣ୍ଡନ କରିଛି । ୟୁକ୍ରେନ୍ କହିଛି ରୋସ୍ତଭ ଅଞ୍ଚଳରେ ୟୁକ୍ରେନର କୈଣସି ସେନା ମୁତୟନ ହୋଇନାହାନ୍ତି ।

Powered by Froala Editor