ନୂଆ ଲୁକ୍ରେ ଅଭିନେତ୍ରୀ ମୀନାକ୍ଷୀ, ସୋସିଆଲ୍ ମିଡିଆରେ ଭାଇରାଲ୍ ହେଉଛି ଫଟୋ...
ମୁମ୍ବାଇ: ୮୦ ଓ ୯୦ ଦଶକରେ ସେ ବଲିଉଡ୍ରେ ରାଜ୍ କରୁଥିଲେ । ନିଜର ଜଲୱାରେ ସମସ୍ତଙ୍କୁ ବାନ୍ଧି ରଖୁଥିଲେ । ତାଙ୍କ ଅଭିନୟ ଓ ନୃତ୍ୟରେ ଦର୍ଶକ ମତୁଆଲା ହେଉଥିଲେ । ସବୁ ଚଳଚ୍ଚିତ୍ରରେ ଫ୍ୟାନ୍ସମାନେ ତାଙ୍କୁ ଖୋଜୁଥିଲେ । ଆଉ ଏବେ ଦୀର୍ଘ ବର୍ଷ ପରେ ମଧ୍ୟ ଟିକେ ହେଲେ କମିନି ତାଙ୍କ କ୍ରେଜ୍ । ଯେତିକି ଲୋକପ୍ରିୟତା ସେତେବେଳେ ଥିଲା ବର୍ତ୍ତମାନ ବି ସେତିକି ରହିଛି । ଯଦିଓ ସେ ଅଭିନୟ ଦୁନିଆରୁ ବ୍ରେକ୍ ନେଇଛନ୍ତି ହେଲେ ସୋସିଆଲ୍ ମିଡିଆରେ ପୂରା ଆକ୍ଟିଭ୍ ଅଛନ୍ତି । ତାଙ୍କର ଗୋଟିଏ ଗୋଟିଏ ପୋଷ୍ଟକୁ ମିଳୁଛି ମିଲିୟନ୍ ମିଲିୟନ୍ ଲାଇକ୍ ଓ କମେଣ୍ଟ । ଏମିତି ଜଣେ ଅଭିନେତ୍ରୀ ହେଉଛନ୍ତି ମୀନାକ୍ଷୀ ଶେଶାଦ୍ରି ।
ନିକଟରେ ସେ ନୂଆ ଲୁକ୍ରେ ନଜର ଆସିଛନ୍ତି । ସୋସିଆଲ୍ ମିଡିଆରେ ଏହାର ଏକ ଫଟୋ ଅପଲୋଡ୍ କରିଛନ୍ତି । ଯାହା ଏବେ ଭାଇରାଲ୍ ହେବାରେ ଲାଗିଛି । ଅନେକ ସୁନ୍ଦର କମେଣ୍ଟ ବି ମିଳିଛି ।
ମୀନାକ୍ଷୀ ତାଙ୍କ ଇନ୍ଷ୍ଟାଗ୍ରାମ୍ରେ ଛାଡ଼ିଥିବା ଫଟୋରେ ପୂରା ନିଆରା ଦେଖା ଯାଉଛନ୍ତି । ହେୟାର ଷ୍ଟାଇଲ୍ ସମ୍ପୂର୍ଣ୍ଣ ଭାବେ ବଦଳାଇଛନ୍ତି । ଚଷମା ପିନ୍ଧିଛନ୍ତି ଏବଂ ସେ ଆକାଶ ରଙ୍ଗର ହୁଡି ପିନ୍ଧିଛନ୍ତି । କିଛି ଲୋକ ତାଙ୍କର ଏହି ନୂତନ ଶୈଳୀକୁ ପସନ୍ଦ କରୁଥିବାବେଳେ କିଛି ଲୋକ କହିଛନ୍ତି ଯେ ସେ ଏହି ପରୀକ୍ଷଣ କରିବା ଉଚିତ୍ ନୁହେଁ । ଫଟୋରେ ସେ କ୍ୟାପସନ୍ ଦେଇଛନ୍ତି ନୂଆ ଲୁକ୍ ।
ଜଣେ ଫ୍ୟାନ୍ସ ଲେଖିଛନ୍ତି, ଦାମିନୀରେ, ସୌନ୍ଦର୍ଯ୍ୟର ସୀମା ଅତିକ୍ରମ କରିଦେଇଥିଲେ । ନାରୀ ଚେହେରା ପାଇଁ ତାହା ଆଶ୍ଚର୍ଯ୍ୟଜନକ ଥିଲା । କ୍ଷମା କରିବେ, କିନ୍ତୁ ଆପଣ ଲମ୍ବା କେଶରେ ବହୁତ ସୁନ୍ଦର ଦେଖାଯାଉଛନ୍ତି । ଅନ୍ୟ ଜଣେ ଲେଖିଛନ୍ତି, କି ପରିବର୍ତ୍ତନ । ତୁମେ ଆମର ହୃଦୟର ରାଣୀ । ଆଉ ଜଣେ ପ୍ରଶଂସକ କମେଣ୍ଟରେ ଲେଖିଛନ୍ତି, ଆପଣଙ୍କୁ ଆମେ ଅପେକ୍ଷା କରିଛୁ । କେବେ ପୁଣି ପରଦାରେ ଦେଖିବୁ ? ଆଉ ଥରେ ଫେରି ଆସନ୍ତୁ ।
Powered by Froala Editor
