କୂଅରେ ପଡି ୧୩ ମହିଳା ମୃତ
ଲକ୍ଷ୍ନୌ: ଉତ୍ତରପ୍ରଦେଶ କୁଶିନଗର ଜିଲ୍ଲାରେ ବିବାହ ଉତ୍ସବ ଚାଲିଥିବା ବେଳେ କୂଅରେ ପଡି ୧୩ ମହିଳା ମୃତ । ବିବାହ ପୂର୍ବର ହଳଦୀ ସମାରୋହ ସମୟରେ ଏଭଳି ଅଭାବନୀୟ ଘଟଣା ଘଟିଯାଇଛି । କୁଶିନଗର ନେବୁଆ ନୌରଙ୍ଗିଆ ଅଞ୍ଚଳରେ ଏହି ବିବାହ ଉତ୍ସବ ଚାଲିଥିଲା ।
ବୁଧବାର ରାତି ପ୍ରାୟ ୧୦ଟା ସମୟରେ ହଳଦୀ ସମାରୋହ ପାଇଁ ପ୍ରାୟ ୫୦ ରୁ ୬୦ ଜଣ ମହିଳା ଓ ଯୁବତୀ ଗାଁ ମଝିରେ ଥିବା କୂଅ ନିକଟରେ ଏକାଠି ହୋଇଥିଲେ । କିଛି କୂଅ ଉପରେ ଥିବା ଲୁହା ଜାଲି ଉପରେ ଛିଡା ହୋଇ ଉତ୍ସବ ମନାଉଥିଲେ । ହେଲେ ହଠାତ୍ ଉକ୍ତ ଲୁହା ଜାଲିଟି ଭାଙ୍ଗି ଯାଇଥିଲା । ଯାହାଫଳରେ ପ୍ରାୟ ୧୫ ଜଣ କୂଅ ମଧ୍ୟରେ ପଡି ଯାଇଥିଲେ ।ସ୍ଥାନୀୟ ଲୋକେ ତୁରନ୍ତ ସେମାନଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ହେଲେ ଡାକ୍ତର ୧୩ ଜଣଙ୍କୁ ମୃତ ଘୋଷଣା କରିଛନ୍ତି । ମୃତକଙ୍କ ମଧ୍ୟରେ କିଛି ମହିଳା ଏବଂ ଯୁବତୀ ରହିଛନ୍ତି ।ଏହି ଦୁଃଖଦ ଘଟଣାରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସମେତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗଭୀର ଦୁଃଖ ପ୍ରକାଶ କରିଛନ୍ତି ।
Powered by Froala Editor
