ଚାନ୍ଦା ଦେଲେନି ବୋଲି ଠେଙ୍ଗାରେ ପିଟିଲେ
ଅଷ୍ଟପ୍ରହର ଚାନ୍ଦା ନ ଦେବାରୁ ଜଣେ ମାଂସ ଦୋକାନୀଙ୍କୁ ମରଣାନ୍ତକ ଆକ୍ରମଣ ହୋଇଥିବା ଥାନାରେ ଅଭିଯୋଗ ହୋଇଛି। ଛେଣ୍ଡିପଦା ଥାନା କୋଶଳା ମେଡିକାଲ ଛକ ନିକଟରେ ଦୀର୍ଘବର୍ଷ ହେବ ଏମ୍ଡି ସାହିଦ ନାମକ ଜଣେ ବ୍ୟକ୍ତି ମାଂସ ଦୋକାନ କରି ରହି ଆସୁଥିଲେ। ଗତ ୧୩ ତାରିଖରେ କୋଶଳା ଗ୍ରାମର ବିମଳ ନାଏକ ଓ ସୁଜିତ କହଁର ମାଂସ ଦୋକାନରେ ପହଞ୍ଚି ଅଷ୍ଟପ୍ରହର ପାଇଁ ଚାନ୍ଦା ମାଗିଥିଲେ। ଟଙ୍କା ଦେବା ପାଇଁ ମନା କରିବାରୁ ଉତ୍କ୍ଷିପ୍ତ ହୋଇ ଉଭୟେ ଠେଙ୍ଗାରେ ସାହିଦଙ୍କୁ ମାଡ ମାରି ଗୁରୁତର କରିଥିଲେ। ଲୋକଙ୍କ ସହାୟତାରେ ଗୁରୁତର ସାହିଦଙ୍କୁ କୋଶଳା ମେଡିକାଲରେ ଭର୍ତ୍ତି କରାଯାଇଥିଲା। ଏ ନେଇ ୧୪ ତାରିଖରେ ସାହିଦଙ୍କ ସ୍ତ୍ରୀ ନଗମା ବେଗମ ଛେଣ୍ଡିପଦା ଥାନାରେ ଲିଖିତ ଅଭିଯୋଗ କରିଛନ୍ତି ।
Powered by Froala Editor
