ଇଲକେର ଆଇସି ଏୟାର ଇଣ୍ଡିଆର ସିଇଓ
ଇଲକେର ଆଇସିଙ୍କୁ ଏୟାର ଇଣ୍ଡିଆର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ(ସିଇଓ) ଏବଂ ପରିଚାଳନା ନିର୍ଦ୍ଦେଶକ(ଏମଡି) ଭାବେ ଟାଟା ସନ୍ସ୍ ନିଯୁକ୍ତି ଦେଇଛନ୍ତି। ଇଲକେର ଆଇସିଙ୍କୁ ସିଇଓ ନିଯୁକ୍ତ କରିବା ପାଇଁ ଟାଟା ସନସ୍ର ଅଧ୍ୟକ୍ଷ ଚନ୍ଦ୍ରଶେଖରନ ସ୍ୱତନ୍ତ୍ର ବୋର୍ଡ଼ ବୈଠକ ଡାକିଥିଲେ। ବୈଠକ ଶେଷରେ ଏହି ନିଷ୍ପତ୍ତି ନିଆଯାଇଛି। ଏନେଇ ଟାଟା ସନ୍ ପକ୍ଷରୁ ଏକ ପ୍ରେସ୍ ବିଜ୍ଞପ୍ତିରେ ପ୍ରକାଶ ପାଇଛି।
ଇଲକେର ଆଇସି ପୂର୍ବରୁ ତୁର୍କୀ ଏୟାରଲାଇନ୍ସର ଅଧ୍ୟକ୍ଷ ଥିଲେ। ଟାଟା ସନ୍ସ ଅଧ୍ୟକ୍ଷ ଏନ ଚନ୍ଦ୍ରଶେଖରନ୍ କହିଛନ୍ତି ଯେ, ଇଲକେର ଜଣେ ଉଡାଣ ଶିଳ୍ପର ଆଗ୍ରଗଣ୍ୟ ବ୍ୟକ୍ତି ଯିଏକି ସେଠାରେ ଥିବା ସମୟରେ ତୁର୍କୀ ଏୟାରଲାଇନ୍ସକୁ ସଫଳତା ଦିଗରେ ଆଗେଇ ନେଇଥିଲେ। ଇଲକେରଙ୍କୁ ଟାଟା ଗ୍ରୁପକୁ ସ୍ୱାଗତ କରି ଆମେ ଆନନ୍ଦିତ। ସିଇଓ ଭାବେ ସେ ଏୟାର ଇଣ୍ଡିଆକୁ ନୂଆ ଯୁଗ ଆଡ଼କୁ ଆଗେଇ ନେବେ ବୋଲି ମୋର ସମ୍ପୂର୍ଣ୍ଣ ବିଶ୍ବାସ ରହିଛି।
ଟାଟା ଗତ ଜାନୁଆରୀ ୨୭ରେ ଏୟାର ଇଣ୍ଡିଆକୁ ବିଧିବଦ୍ଧ ଭାବେ ନିଜ ଅଧିନକୁ ନେଇଥିଲା । ଏଥିରେ ଏୟାର ଇଣ୍ଡିଆ ଏକ୍ଦପ୍ରେସର ୫୦ ପ୍ରତିଶତ ଅଂଶ ରହିଛି। ଦୀର୍ଘଦିନ ଧରି କ୍ଷତିରେ ଚାଲିବା ପରେ ଏୟାର ଇଣ୍ଡିଆକୁ ୧୮,୦୦୦ କୋଟି ଟଙ୍କାରେ ବିକ୍ରି କରିଦେଇଥିଲେ ଭାରତ ସରରକାର।
Powered by Froala Editor
