ଆଉ ଡାଉନଲୋଡ୍ ହେବନି ଫ୍ରି ଫାୟାର ଗେମ୍ ଆପ୍
ଯୁବପିଢିଙ୍କୁ ଆକର୍ଷିତ କରୁଥିବା ଫ୍ରି ଫାୟାର ଗେମ୍ ଆପ୍ ଏବେ ଗୁଗଲ ପ୍ଲେ ଷ୍ଟୋର ଓ ଆପଲ ଆପ୍ ଷ୍ଟୋର୍ରୁ ହଟି ଯାଇଛି । ହଠାତ୍ ଏହି ଆପ୍ ଗାଏବ ହୋଇଯିବାରୁ କିଛି ଯୁବକ ପ୍ରତିକ୍ରିୟା ପ୍ର୍ରକାଶ କରିଛନ୍ତି । ତେବେ ଆପ୍ ଗାଏବ ହୋଇଯିବାକୁ ନେଇ ତିଆରି କରିଥିବା କମ୍ପାନୀ ମଧ୍ୟ କିଛି ପ୍ରତିକ୍ରିୟା ରଖିନାହିଁ ।
ଫ୍ରି ଫାୟାର ଗେମ୍ ଆପ୍ ଗତକାଲିଠାରୁ ହଠାତ୍ ଗୁଗଲ୍ ପ୍ଲେ ଷ୍ଟୋର ଓ ଆପଲ୍ ଆପ୍ ଷ୍ଟୋରରୁ ହଟିଯାଇଥିବା ଦେଖାଯାଇଛି। ଏହି ଦୁଇଟି ଆପ୍ ଷ୍ଟୋରରେ ଫ୍ରି ଫାୟାର ଗେମ୍ ଆପ୍ ଡାଉନଲୋଡ କରିପାରୁନାହାନ୍ତି ଯୁବପିଢି ।
ବର୍ତ୍ତମାନ ଗୁଗୁଲ୍ ପ୍ଲେ ଷ୍ଟୋରରେ କେବଳ ଫ୍ରି ଫାୟାର ମ୍ୟାକ୍ସ ଡାଉନଲୋଡ୍ ପାଇଁ ଉପଲବ୍ଧ ଥିବା ବେଳେ ଆପଲ ଆପ୍ ଷ୍ଟୋରରେ ଉଭୟ ଫ୍ରି ଫାୟାର ଗେମ୍ ଆପ୍ ଏବଂ ଫ୍ରି ଫାୟାର ମ୍ୟାକ୍ସ ଡାଉନଲୋଡ୍ ପାଇଁ ଉପଲବ୍ଧ ନଥିବା ଦେଖାଯାଇଛି। ଏହି ଘଟଣା ପରେ କମ୍ପାନି ଖୁବ ଶୀଘ୍ର ଏହା ପଛର କାରଣ ଜଣାଇପାରେ ବୋଲି ଆଶା କରାଯାଉଛି। ତେବେ ପୂର୍ବରୁ ଡାଉନଲୋଡ କରି ବ୍ୟବହାର କରୁଥିବା ଲୋକେ ଏବେ ଏହି ଆପକୁ ସହଜରେ ଚଲାଇ ପାରିବେ।
Powered by Froala Editor
