କିମ୍ବଦନ୍ତୀ ଗାୟିକା, ଭାରତ ରତ୍ନ, ସୁର ସାମ୍ରାଜ୍ଞୀ ତଥା କୋକିଳ କଣ୍ଠୀ ଲତା ମଙ୍ଗେସକର ୬ ଜାନୁଆରି ୨୦୨୦ରେ ଇହଲୀଳା ସମ୍ବରଣ କରିଛନ୍ତି। କିନ୍ତୁ ତାଙ୍କର ସ୍ଵର, ଗୀତ ଓ ତାଙ୍କ ଜୀବନ ସହ ଜଡିତ ଘଟଣା ସବୁବେଳେ ମନେ ରହିବ।  ତାଙ୍କ ଅବଦାନ ଅତୁଳନୀୟ । ଭାରତୀୟ ମ୍ୟୁଜିକ ଇଣ୍ଡଷ୍ଟ୍ରିରେ ଶ୍ରୋତାଙ୍କୁ ବାନ୍ଧି ରଖିବାରେ ସକ୍ଷମ ଥିଲେ ଲତା । କେବଳ ଭାରତ ନୁହେଁ ଏସିଆ ମହାଦେଶରେ ସେ ଥିଲେ ଏକ ବହୁ ପରିଚିତ ନାମ । ଅନେକ ଭାଷାରେ ଗୀତ ଗାଇବା ସହ ୩୦ ହଜାରରୁ ଅଧିକ ଗୀତ ଗାଇଛନ୍ତି।

ତେଣୁ ମହାରାଷ୍ଟ୍ର ସରକାର ଲତା ମଙ୍ଗେସକରଙ୍କ ସ୍ମରଣରେ ଏକ ସଙ୍ଗୀତ ଏକାଡେମୀ ପ୍ରତିଷ୍ଠା କରିବାକୁ ଘୋଷଣା କରିଛନ୍ତି। ଖବର ଅନୁସାରେ ସଙ୍ଗୀତ ଏକାଡେମୀ ସହ କଲିନା କ୍ୟାମ୍ପସରେ ଲତାଙ୍କ ସ୍ମୃତିରେ ଏକ ମ୍ୟୁଜିୟମ୍ ମଧ୍ୟ ତିଆରି କରାଯିବ। ବର୍ତ୍ତମାନ ଲତା ଦିଦିଙ୍କ ଇନସ୍ପାରିଂ ଜର୍ନିକୁ ନେଇ ତାଙ୍କର ବାୟୋପିକ୍ ନିର୍ମାଣ କରିବାକୁ ଚିନ୍ତା କରାଯାଉଛି ।

ଶୁଣିବାକୁ ମିଳେ ଯେ ଲତା ମଙ୍ଗେସକର କୁଆଡେ ତାଙ୍କ ବାୟୋପିକ୍ ନିର୍ମାଣ ସପକ୍ଷରେ ନ ଥିଲେ ଯାହା ପାଇଁ ତାଙ୍କ ବାୟୋପିକ୍ ନିର୍ମାଣରେ ଏତେ ବିଳମ୍ବ ହୋଇଛି । ଏବେ ସେ ବିଦାୟ ନେଇଥିବା ହେତୁ ବଲିଉଡର ଆଗଧାଡିର ନିର୍ଦ୍ଦେଶକ ସଞ୍ଜୟ ଲିଲା ଭଂସାଲି, ଆନନ୍ଦ ଏଲ ରୟ ଓ ରାକେଶ ଓମ ପ୍ରକାଶ ମେହେରା ଲତା ଦିଦିଙ୍କ ବାୟୋପିକ୍ ନିର୍ମାଣ କରିବାକୁ ଯୋଜନା କରୁଛନ୍ତି । ତେବେ ଲତାଙ୍କ ପରିବାର ଚଳଚ୍ଚିତ୍ର ନିର୍ମାଣ କରିବାକୁ ସମ୍ମତି ପ୍ରଦାନ କରିବେ କି ନାହିଁ ତାହା ନେଇ ସନ୍ଦେହ ରହିଛି।

Powered by Froala Editor