ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜ ଅଧ୍ୟକ୍ଷ ମୁକେଶ ଅମ୍ବାନୀ ପୁଣି ଥରେ ଏସିଆର ସବୁଠାରୁ ଧନୀ ବ୍ୟକ୍ତି ସ୍ଥାନ ହାସଲ କରିଛନ୍ତି । ଆଦାନୀ ଏଣ୍ଟରପ୍ରାଇଜେସର ଅଧ୍ୟକ୍ଷ ଗୌତମ ଆଦାନୀ ଗୋଟିଏ ଦିନ ପୂର୍ବରୁ ଅମ୍ବାନୀଙ୍କୁ ହଟାଇ ଏହି ସ୍ଥାନ ହାସଲ କରିଥିଲେ । ଏବେ ଅମ୍ବାନୀ ଆଦାନୀଙ୍କୁ ପଛରେ ପକାଇଥିବା ଜଣାପଡ଼ିଛି ।ବ୍ଲୁମବର୍ଗ ପକ୍ଷରୁ ପ୍ରକାଶିତ ବିଶ୍ୱର ସର୍ବଶ୍ରେଷ୍ଠ ବିଲିୟନେୟାର ସୂଚକାଙ୍କରେ ୮୯.୨ ବିଲିୟନ ଡଲାର ସମ୍ପତ୍ତି ସହ ମୁକେଶ ଅମ୍ବାନୀ ୧୦ମ ସ୍ଥାନରେ ରହିଛନ୍ତି । ସେହିଭଳି ୮୬.୩ ବିଲିୟନ ଡଲାର ସମ୍ପତ୍ତି ସହ ଆଦାନୀ ତାଲିକାର ୧୧ତମ ସ୍ଥାନରେ ଅଛନ୍ତି । ଗୋଟିଏ ଦିନ ପୂର୍ବରୁ ଆଦାନୀଙ୍କ ସମ୍ପତ୍ତି ୮୮.୫ ବିଲିୟନ ଡଲାରକୁ ବଢ଼ିଥିଲା ।
ଏହି ସମୟରେ ଅମ୍ବାନୀଙ୍କ ସମ୍ପତ୍ତି ୮୭.୯ ବିଲିୟନ ଡଲାର ସ୍ତରରେ ଥିଲା । ମାତ୍ର ଆଦାନୀ ଗ୍ରୁପ କମ୍ପାନିଗୁଡ଼ିକର ଶେୟାର ମୂଲ୍ୟ କମିବା ଯୋଗୁ ସମ୍ପତ୍ତିରେ ୨.୧୬ ବିଲିୟନ ଡଲାର ହ୍ରାସ ଦେଖାଯାଇଛି ମୁକେଶଙ୍କ ସମ୍ପତ୍ତି ୧.୩୩ ବିଲିୟନ ଡଲାର ବୃଦ୍ଧି ହେବା ଯୋଗୁ ସେ ତାଲିକାର ୧୦ମ ସ୍ଥାନକୁ ଫେରିଛନ୍ତି । ଉଭୟ ଆଦାନୀ ଏବଂ ଅମ୍ବାନୀ ବିନାନ୍ସ ସିଇଓ ଚାନପେଙ୍ଗ ଝାଓ, ଫ୍ରନ୍ସର ବିଲିୟନେୟାର ପ୍ରାଙ୍କୋଇସ ବି. ମେୟର ଏବଂ ଫେସବୁକ ସିଇଓ ମାର୍କ ଜୁକରବର୍ଗଙ୍କଠାରୁ ତାଲିକାର ଊର୍ଦ୍ଧ୍ୱରେ ଅଛନ୍ତି । ଚଳିତ ବର୍ଷ ଆଦାନୀଙ୍କ ସମ୍ପତି ୮୯୪% ବା ୧୨ ବିଲିୟନ ଡଲାର ବଢ଼ିଛି । ସେହିଭଳି ଏହି ସମୟରେ ଅମ୍ବାନୀଙ୍କ ସମ୍ପତ୍ତି ୭୨% ବୃଦ୍ଧି ହୋଇଛି ।

Powered by Froala Editor