ପଶ୍ଚିମବଙ୍ଗରେ ଅଷ୍ଟମ ପର୍ୟ୍ୟାୟ ମତଦାନ
କୋଲକାତା: ପଶ୍ଚିମବଙ୍ଗରେ ଆଜି ଅଷ୍ଟମ ତଥା ଶେଷପର୍ୟ୍ୟାୟ ମତଦାନ ଚାଲିଛି। ରାଜ୍ୟର ୩୫ଟି ବିଧାନସଭା ଆସନରେ ଆଜି ସକାଳ ୭ଟାରୁ ଭୋଟରମାନେ କୋଭିଡ କଟକଣା ମଧ୍ୟରେ ସେମାନଙ୍କର ମତାଧିକାର ସାବ୍ୟସ୍ତ କରୁଛନ୍ତି। ଏହି ପର୍ୟ୍ୟାୟରେ ମୋଟ ୨୮୩ ଜଣ ପ୍ରାର୍ଥୀଙ୍କର ଭାଗ୍ୟ ପରୀକ୍ଷା ହେଉଛି। ମେ ୨ ତାରିଖରେ ରାଜ୍ୟରେ ଅନୁଷ୍ଠିତ ନିର୍ବାଚନ ଫଳାଫଳ ପ୍ରକାଶ ପାଇବ। ସେହିଦିନ କେରଳ, ତାମିଲନାଡୁ, ଆସାମ, ପୁଡୁଚେରୀ ଆଦି ରାଜ୍ୟରେ ଅନୁଷ୍ଠିତ ନିର୍ବାଚନ ଫଳାଫଳ ମଧ୍ୟ ଘୋଷଣା କରାଯିବ।
ନାଯୋଗ୍ୟ ଯେ ୨୦୧୬ରେ ଅନୁଷ୍ଠିତ ବିଧାନସଭା ନିର୍ବାଚନରେ ଏହି ୩୫ଟି ଆସନ ମଧ୍ୟରୁ ତୃଣମୂଳ କଂଗ୍ରେସ ୧୭, କଂଗ୍ରେସ ୧୩ ଓ ବାମଦଳକୁ ୩ଟି ଆସନ ମିଳିଥିବାବେଳେ ବିଜେପିକୁ ଗୋଟିଏ ଏବଂ ଅନ୍ୟମାନଙ୍କୁ ଗୋଟିଏ ଆସନ ମିଳିଥିଲା। ସେହିଭଳି ୨୦୧୯ରେ ଅନୁଷ୍ଠିତ ଲୋକସଭା ନିର୍ବାଚନରେ ଏହି ବିଭିନ୍ନ ଲୋକସଭା ନିର୍ବାଚନମଣ୍ଡଳୀ ଅନ୍ତର୍ଗତ ଏହି ୩୫ଟି ବିଧାନସଭା ଆସନ ମଧ୍ୟରୁ ତୃଣମୂଳ କଂଗ୍ରେସକୁ ୧୯, ବିଜେପି ୧୧ ଓ କଂଗ୍ରେସ ୫ଟି ଆସନରେ ଆଗୁଆ ରହିଥିଲେ।
Powered by Froala Editor
