ତାନିଆଙ୍କ ସହ ସମ୍ପର୍କକୁ ନେଇ ମୁହଁ ଖୋଲିଲେ ଆହାନ
ମୁମ୍ବାଇ: ତାନିଆ ଶ୍ରଫ୍ଙ୍କ ସହ ସମ୍ପର୍କକୁ ନେଇ ଗଣମାଧ୍ୟମ ସମ୍ନାରେ ମୁହଁ ଖୋଲିଛନ୍ତି ବଲିଉଡ୍ ଅଭିନେତା ସୁନୀଲ୍ ସେଟ୍ଟିଙ୍କ ପୁଅ ଆହାନ । ଏକ ସାକ୍ଷାତକାରରେ କହିଛନ୍ତି, ତାନିଆଙ୍କ ସହ ବିବାହ କରିଥିବା ନେଇ ସୋସିଆଲ୍ ମିଡିଆରେ ଯେଉଁ ଚର୍ଚ୍ଚା ଚାଲିଛି ତାହା ଗୁଜବ । ଏଥିରେ କୌଣସି ସତ୍ୟତା ନାହିଁ । ଆମେ ଦୁଇ ଜଣ ଭଲ ବନ୍ଧୁ । ବର୍ତ୍ତମାନ ମୁଁ ମୋର କ୍ୟାରିଅର୍ ଉପରେ ଫୋକସ୍ କରୁଛି । ଅପକମିଂ ଫିଲ୍ମକୁ ନେଇ ବ୍ୟସ୍ତ ଅଛି । ଏବେ ବିବାହ କରିବାକୁ କିଛି ଯୋଜନା ନାହିଁ । ଯେବେ ବିବାହ କରିବି ସେତେବେଳେ ନିଶ୍ଚିତ ଭାବେ ସମସ୍ତଙ୍କୁ ଜଣାଇବି । ଏହାସହ ତାଙ୍କୁ ଭଲ ପାଉଥିବା ଶୁଭେଚ୍ଛୁ ଓ ଦର୍ଶକମାନଙ୍କୁ ସେ ବଧାଇ ଜଣାଇଛନ୍ତି ।
ସୂଚନାଯୋଗ୍ୟ, ଆହାନ ନିଜର ଅପକମିଂ ଫିଲ୍ମ ମାଧ୍ୟମରେ ବଲିଉଡ୍ରେ ଡେବ୍ୟୁ କରିବେ । ଏଥିପାଇଁ ସେ ବେଶ୍ ଉତ୍ସାହିତ ଥିବା ଜଣାପଡ଼ିଛି । ତେବେ ତାନିଆଙ୍କ ସହ ଏକାଠି ନଜର ଆସିବା ପରେ ତାଙ୍କ ବିବାହକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା । ସୋସିଆଲ୍ ମିଡିଆରେ ଏହା ଭାଇରାଲ୍ ହୋଇଥିଲା । ହେଲେ ଏସବୁରେ ପୂର୍ଣ୍ଣଚ୍ଛେଦ ଟାଣିଛନ୍ତି ଆହାନ୍ ।
Powered by Froala Editor
