ଫିଲ୍ମ କପିରାଇଟ୍ ଅଭିଯୋଗ : ସୁନ୍ଦର ପିଚାଇଙ୍କ ସମେତ ୬ ଜଣଙ୍କ ନାଁରେ ମାମଲା
ୟୁଟ୍ୟୁବରେ ବଲିଉଡ ଫିଲ୍ମର କପିରାଇଟ୍ ଉଲ୍ଲଂଘନ ଅଭିଯୋଗରେ ଟେକ୍ନୋଲୋଜି କମ୍ପାନି ଗୁଗୁଲର ସିଇଓ ସୁନ୍ଦର ପିଚାଇ ଏବଂ କମ୍ପାନିର ଅନ୍ୟ ପାଞ୍ଚଜଣ କର୍ମଚାରୀଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ପିଚାଇ ସମେତ ୟୁଟ୍ୟୁବ୍ ମୁଖ୍ୟ ଗୌତମ ଆନନ୍ଦ, ଅଭିଯୋଗ ନିବାରଣ ଅଧିକାରୀ ସମେତ ଗୁଗୁଲର ୬ଜଣ କର୍ମଚାରୀଙ୍କ ନାମରେ ମାମଲା ରୁଜୁ କରାଯାଇଛି। କୋର୍ଟଙ୍କ ନିର୍ଦ୍ଦେଶ ପରେ ମୁମ୍ବାଇ ପୁଲିସ୍ ସମସ୍ତଙ୍କ ନାଁରେ କପି ରାଇଟ ଉଲ୍ଲଙ୍ଘନ ମାମଲା ରୁଜୁ କରିଛି।
ପିଚାଇଙ୍କ ବିରୋଧରେ ଅଭିଯୋଗ ଆଣିଥିବା ଫିଲ୍ମ ନିର୍ମାତା ସୁନୀଲ ଦର୍ଶନ କହିଛନ୍ତି ଯେ “୨୦୧୭ରେ ରିଲିଜ୍ ହୋଇଥିବା ମୋ ଫିଲ୍ମ “ଇକ ହସିନା ଥି, ଏକ ଦିୱାନା ଥା’ର କପି ରାଇଟ ମୁଁ କାହାକୁ ଦେଇ ନଥିଲି। ଏହାକୁ ମୁଁ ୟୁଟ୍ୟୁବରେ ମଧ୍ୟ ରିଲିଜ କରି ନଥିଲି। କିନ୍ତୁ ଏହି ଫିଲ୍ମ ୟୁଟ୍ୟୁବରେ ରିଲିଜ୍ ହୋଇଛି ଓ ଏହାକୁ ଲକ୍ଷାଧିକ ଲୋକ ମଧ୍ୟ ଦେଖିଛନ୍ତି।
ସେ ଅଭିଯୋଗ କରିଛନ୍ତି କି, ମୋର ବିନା ଅନୁମତିରେ ଏହି ବିଷୟବସ୍ତୁ ବ୍ୟବହାର କରାଯାଇଛି । ବେଆଇନ ଭାବେ ମୋର ଫିଲ୍ମ ଅପଲୋଡ୍ କରି ବିପୁଳ ପରିମାଣର ଅର୍ଥ ରୋଜଗାର କରାଯାଉଛି। ମୁଁ ସୁନ୍ଦର ପିଚାଇଙ୍କୁ ଦାୟୀ କରିବାର କାରଣ ସେ ଗୁଗୁଲର ନେତୃତ୍ୱ ନେଉଛନ୍ତି। ମୁଁ ମୋର ଚଳଚ୍ଚିତ୍ର ‘ଏକ ହାସିନା ଥି ଏକ ଦେୱାନା ଥା’ର ୧ ବିଲିୟନରୁ ଅଧିକ ଭ୍ୟୁକୁ ଟ୍ରାକ କରିଛି। କମ୍ପାନି ସହିତ ଏହି ଘଟଣା ବିଷୟରେ ଆଲୋଚନା କରିଥିଲେ ହେଁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିଲା ତେଣୁ ବାଧ୍ୟ ହୋଇ କୋର୍ଟର ଦ୍ୱାରସ୍ଥ ହୋଇଥିଲି ।
Powered by Froala Editor