ବଡ଼ ଘୋଷଣା କଲେ ପିଏମ୍ : ଇଣ୍ଡିଆ ଗେଟ୍ରେ ସ୍ଥାପନ ହେବ ସୁଭାଷ ବୋଷଙ୍କ ପ୍ରତିମୂର୍ତ୍ତି
ଇଣ୍ଡିଆ ଗେଟରେ ସ୍ଥାପନ ହେବ ସୁଭାଷ ଚନ୍ଦ୍ର ବୋଷଙ୍କ ପ୍ରତିମୂର୍ତ୍ତି । ଅମର ଜବାନ ଜ୍ୟୋତିକୁ ନେଇ ବିବାଦ ଜାରି ରହିଥିବା ବେଳେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ବଡ଼ ଘୋଷଣା କରିଛନ୍ତି । ଏନେଇ ଟୁଇଟ୍ କରି ସୂଚନା ଦେଇଛନ୍ତି ପ୍ରଧାନମନ୍ତ୍ରୀ ।
ଜାନୁଆରୀ ୨୩ ତାରିଖରେ ନେତାଜୀଙ୍କ ୧୨୫ତମ ଜୟନ୍ତୀ ଅବସରରେ ତାଙ୍କ ହେଲୋଗ୍ରାମ ମୂର୍ତ୍ତି ଉଦଘାଟନ ହେବ । ଗ୍ରାନାଇଟ୍ ତିଆରି ପ୍ରତିମୂର୍ତ୍ତି ସ୍ଥାପନ କରାଯିବ ବୋଲି କହିଛନ୍ତି ମୋଦୀ । ନେତାଜୀଙ୍କ ପ୍ରତିମୂର୍ତ୍ତି ପ୍ରସଙ୍ଗରେ ଜାଣିଥିବା ବ୍ୟକ୍ତିବିଶେଷଙ୍କ କହିବା ଅନୁସାରେ, ଆକାର ପ୍ରକାର ୨୮ଫୁଟ୍ X ୬ ଫୁଟ୍ ହେବ। ଏହି ପ୍ରତିମୂର୍ତ୍ତି ହେବ ତାଙ୍କ ପ୍ରତି ଦେଶର ଅନୁଗ୍ରହ ଏବଂ ସ୍ବାଧୀନତା ଆନ୍ଦୋଳନକୁ ତାଙ୍କ ଅବଦାନର ସଙ୍କେତ।
ସୂଚନାଯୋଗ୍ୟ, ଯେଉଁ ସ୍ଥାନରେ ନେତାଜୀଙ୍କର ଗ୍ରେନାଇଟ୍ ପ୍ରତିମୂର୍ତ୍ତି ସ୍ଥାପନ କରାଯିବ ସେଠାରେ ପୂର୍ବରୁ ଇଂଲଣ୍ଡର୍ ରାଜା ୫ମ ଜର୍ଜଙ୍କ ପ୍ରତିମୂର୍ତ୍ତି ସ୍ଥାପିତ ହୋଇଥିଲା। କିନ୍ତୁ, ୧୯୬୮ ମସିହାରେ ରାଜା ୫ମ ଜର୍ଜଙ୍କ ପ୍ରତିମୂର୍ତ୍ତିଟିକୁ ସେଠାରୁ ହଟାଇ ଦିଆଯାଇଥିଲା।
Powered by Froala Editor
