ପ୍ରତିଶୋଧ ନେଉଛନ୍ତି ମାଙ୍କଡ଼ : କୁକୁର ଛୁଆଙ୍କୁ ଗଛ ଓ ଛାତରୁ ଫୋପାଡି ମାରିଦେଉଛନ୍ତି
ନିଜ ଛୁଆକୁ ଆଖି ଆଗରେ ମରିବାର ଦେଖିଥିଲେ ମାଙ୍କଡମାନେ । କୌଣସି ଦୁର୍ଘଟଣାରେ ନୁହେଁ କୁକୁର ପଲ ଝୁଣି ଝୁଣି ମାରିଦେଇଥିଲେ । ପଶୁ ହେଲେ ବି ଛୁଆର ହତ୍ୟା ଦେଖି ପ୍ରତିଶୋଧ ପରାୟଣ ହୋଇପଡିଛନ୍ତି ମାଙ୍କଡପଲ । ତେଣୁ ମାସେ ଭିତରେ ପ୍ରାୟ ୨୫୦ କୁକୁର ଛୁଆଙ୍କୁ ମାରି ଦେଇଛନ୍ତି ।
ମହାରାଷ୍ଟ୍ରର ବିଡ୍ ଜିଲ୍ଲାର ମଜଲଗାଓଁରେ ଏଭଳି ଘଟଣା ଦେଖିବାକୁ ମିଳିଛି । ପ୍ରାୟ ପାଞ୍ଚ ହଜାର ଜନସଂଖ୍ୟା ବିଶିଷ୍ଟ ଏହି ଗାଁରେ ବର୍ତ୍ତମାନ କୌଣସି ବି କୁକୁର ଛୁଆ ଦେଖିବାକୁ ମିଳୁନାହାନ୍ତି। ଗ୍ରାମବାସୀମାନେ ମଧ୍ୟ ମାଙ୍କଡମାନଙ୍କୁ ଧରିବା ପାଇଁ ବନ ବିଭାଗ ନିକଟକୁ ଯାଇଥିଲେ। ବନ ବିଭାଗର କର୍ମଚାରୀମାନେ ଆସିଥିଲେ ବି ମାଙ୍କଡ଼ଙ୍କୁ ଧରିବାରେ ବିଫଳ ହୋଇଥିଲେ । ଗ୍ରାମବାସୀମାନେ କହିଛନ୍ତି ଯେ ପ୍ରତିଶୋଧ ନେବା ପାଇଁ ମାଙ୍କଡମାନେ ଏହା କରୁଛନ୍ତି। ମାଙ୍ଗଡ଼ମାନେ କୁକୁର ଛୁଆ ଗୁଡ଼ିକୁ ଧରି ନେଇ ଗଛ କିମ୍ବା ଛାତରୁ ଫିଙ୍ଗି ମାରି ଦେଉଛନ୍ତି।
ସ୍ଥାନୀୟ ଲୋକେ କହିଛନ୍ତି ଯେ, କିଛି କୁକୁର ଘେରି ଯାଇ ଏକ ଶିଶୁ ମାଙ୍କଡକୁ ମାରି ଦେଇଥିଲେ। ଏଥିରେ ପ୍ରତିଶୋଧ ପରାୟଣ ହୋଇପଡ଼ିଥିଲେ ମାଙ୍କଡ଼। ଏହାପରେ ମାଙ୍କଡ଼ ଗୋଷ୍ଠୀ ଆତଙ୍କ ଆରମ୍ଭ କରିଦେଇଥିଲେ। ଜଙ୍ଗଲ ବିଭାଗ ଜାଲ ବିଛାଇ ସେମାନଙ୍କୁ ଧରିବା ଆରମ୍ଭ କରିଛି।
Powered by Froala Editor
