ନୂଆଦିଲ୍ଲୀ: ଦିଲ୍ଲୀରେ ଭୟଙ୍କର ହେଉଛି କରୋନା ସ୍ଥିତି ।  ଦେଶର ରାଜଧାନୀ ଦିଲ୍ଲୀରେ କରୋନା ସଂକ୍ରମଣ ଦ୍ରୁତଗତିରେ ମାଡ଼ିଚାଲିଛି। ଯାହାକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଦିଲ୍ଲୀରେ ଲକଡାଉନ ଅବଧିକୁ ବୃଦ୍ଧି କରିଛନ୍ତି ।  ଦିଲ୍ଲୀରେ ଆଉ ୬ ଦିନ ଲକଡାଉନ ଅବଧିକୁ ବୃଦ୍ଧି କରାଯାଇଛି ।  ମେ’ ୩ ତାରିଖ ସକାଳ ୫ଟା ଯାଏଁ ଲକଡାଉନ ଅବଧିକୁ ବୃଦ୍ଧି କରାଯାଇଛି ।  କରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏହି ଘୋଷଣା କରିଛନ୍ତି ।  ପୂର୍ବରୁ ଏପ୍ରିଲ ୨୬ ତାରିଖ ଯାଏଁ ଲକଡାଉନ ଘୋଷଣା ହୋଇଥିଲା ।  ଗତ ୧୯ ତାରିଖ ରାତି ୧୦ଟାରୁ ଆସନ୍ତା ୨୬ ତାରିଖ ସକାଳ ୫ଟା ଯାଏ ଲକଡାଉନ ଘୋଷଣା କରାଯାଇଥିଲା  ।  ୬ ଦିନ ପର୍ୟ୍ୟନ୍ତ ଲକଡାଉନ ଘୋଷଣା କରିଥିଲେ  କେଜ୍ରିୱାଲ ।  କରୋନା ସଂକ୍ରମଣ ଅସମ୍ଭାଳ ହେବାରୁ ସରକାରଙ୍କ ପକ୍ଷରୁ ଏଭଳି କଡ଼ା ପଦକ୍ଷେପ ଗ୍ରହଣ କରାଯାଇଥିଲା  ।  

ଲକଡାଉନ ଘୋଷଣା ଅବସରରେ କେଜ୍ରିୱାଲ ନିଜର ପ୍ରତିକ୍ରିୟା ରଖି କହିଥିଲେ ଯେ,  ଦିଲ୍ଲୀରେ ସ୍ୱାସ୍ଥ୍ୟ ବ୍ୟବସ୍ଥା ସୀମା ପର୍ୟ୍ୟନ୍ତ ପହଞ୍ଚି ଯାଇଛି ।  ଏବେ ଦୈନିକ ହାରାହାରି ୨୫ ହଜାର ସଂକ୍ରମିତ ଚିହ୍ନଟ ହେଉଛନ୍ତି । ଏବେ ବେଡ ସବୁ ଭର୍ତ୍ତି ହୋଇଯାଇଛି । ତେବେ ଲକଡାଉନ ସମୟରେ ଦିଲ୍ଲୀ ଛାଡ଼ିନଯିବାକୁ କେଜ୍ରିୱାଲ ଲୋକଙ୍କୁ ଅପିଲ କରିଥିଲେ । 

Powered by Froala Editor