ମଦ ମିଳିଲାନି ବୋଲି ସାନିଟାଇଜର ପିଇଦେଲେ ଶ୍ରମିକ, ୭ ମୃତ
ମହାରାଷ୍ଟ୍ରର ୟାବାତମାଲର ଓ୍ବାନୀରେ ସାନିଟାଇଜର ପିଇ ୭ ଜଣ ଶ୍ରମିକଙ୍କ ମୃତ୍ୟୁ ଘଟିଛି । ସୂଚନା ମୁତାବକ ଶ୍ରମିକମାନେ ମଦ ପିଇବା ପାଇଁ ଖୋଜିଥିଲେ । କିନ୍ତୁ ଦୋକାନ ବନ୍ଦ ଥିବାରୁ ମଦ ମିଳିନଥିଲା । ମଦ ନମିଳିବାରୁ ସେମାନେ ଅମାନିଆ ହୋଇ ସାନିଟାଇଜର ପିଇଥିଲେ । ସାନିଟାଇଜର ପିଇବା ପରେ ଶ୍ରମିକମାନେ ଅସୁସ୍ଥ ହୋଇପଡିଥିଲେ । ପେଟରେ ଭୀଷଣ ଯନ୍ତ୍ରଣା ଏବଂ ବାନ୍ତି ହେବା ଯୋଗୁଁ ସେମାନଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ସେମାନଙ୍କର ମୃତ୍ୟୁ ଘଟିଛି । ପୋଲିସ ଶବ ବ୍ୟବଚ୍ଛେଦ କରିବା ସହିତ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି ।
ଏହାକୁ ନେଇ ଓ୍ବାନୀ ପୋଲିସର ତଦନ୍ତକାରୀ ଅଧିକାରୀ ଡି. ବି. ଭାଡିକର କହିଛନ୍ତି ଯେ, ମଦ ଦୋକାନଗୁଡିକ ବନ୍ଦ ଥିବାରୁ ଶ୍ରମିକମାନେ ସାନିଟାଇଜର ପିଇଦେଇଥିଲେ । ପରିବାର ଲୋକ ସେମାନଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରିଥିଲେ । ସେଠାରେ ଚିକିତ୍ସାଧୀନ ଅବସ୍ଥାରେ ୭ଜଣଙ୍କର ମୃତ୍ୟୁ ଘଟିଛି ।
Powered by Froala Editor
