ଉତ୍ତରାଖଣ୍ଡରେ ପୁଣି ଖସିଲା ଗ୍ଲାସିୟର: ୨ ମୃତ
ଉତ୍ତରାଖଣ୍ଡରେ ଚମୋଲି ଜିଲ୍ଲାର ଜୋଶୀମଠରେ ବିଳମ୍ବିତ ରାତିରେ ଗ୍ଲାସିୟର ଖଣ୍ଡ ଖସିଛି । ଏହି ବରଫ ଖଣ୍ଡ ସୁମନା ଅଞ୍ଚଳରେ ବର୍ଷା ପରେ ଖସିପଡ଼ିଥିବା ଜଣାଯାଇଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି । ଭାରତୀୟ ସେନାର ସେଣ୍ଟ୍ରାଲ୍ କମାଣ୍ଡ ଏବେ ଯାଏ ୨୯୧ ଜଣଙ୍କୁ ଉଦ୍ଧାର କରିଛି । ୨ ଜଣଙ୍କ ମୃତଦେହ ଉଦ୍ଧାର କରାଯାଇଛି । ଭାରତ-ଚୀନ ସୀମାରେ ଏହି ଘଟଣାକୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତୀରଥ ସିଂହଙ୍କ ସହ କଥା ହୋଇଛନ୍ତି । ଜିଲ୍ଲା ପ୍ରଶାସନ ଓ ବିଆରଓ ସମ୍ପର୍କରେ ରହି ସ୍ଥିତି ଉପରେ ନଜର ରଖିଛନ୍ତି ମୁଖ୍ୟମନ୍ତ୍ରୀ । ଏବେ ଯାଏ ହିମ ସ୍ଖଳନ ପରେ ୪ରୁ ୫ଟି ସ୍ଥାନରେ ରାସ୍ତା ବିଚ୍ଛିନ୍ନ ହୋଇଛି । ଭାପକୁଦ-ସୁମନା ରାସ୍ତା ଗତକାଲି ଠାରୁ ବନ୍ଦ ରହିଛି । ରାସ୍ତାକୁ ସମ୍ପୂର୍ଣ୍ଣ ଭାବେ ସଫା କରିବା ଲାଗି ଆହୁରି ୬ରୁ ୮ ଘଣ୍ଟା ସମୟ ଲାଗିବ ବୋଲି ସେନା ପକ୍ଷରୁ କୁହାଯାଇଛି । ସୂଚନା ଯେ, ଗତ ଫେବ୍ରୁଆରୀରେ ଚମୋଲିରେ ହିମ ସ୍ଖଳନ ପରେ ବନ୍ୟା ତାଣ୍ଡବ ରଚିଥିଲା । ଏବେ ସେହି ଚମୋଲି ଜିଲ୍ଲାର ଜୋଶୀମଠରେ ବିଳମ୍ବିତ ରାତିରେ ଗ୍ଲାସିୟର ଖଣ୍ଡ ଖସିଛି ।
Powered by Froala Editor
