ହତ୍ୟା ଉଦ୍ୟମ ଅଭିଯୋଗରେ ଟିଏମସିର ଯୁବ ସଭାନେତ୍ରୀ ଶାୟନୀ ଘୋଷ ଗିରଫ
ହତ୍ୟା ଉଦ୍ୟମ ଅଭିଯୋଗରେ ଟିଏମସିର ଯୁବ ସଭାନେତ୍ରୀ ଶାୟନୀ ଘୋଷଙ୍କୁ ଅଗରତାଲା ପୋଲିସ ଗିରଫ କରିଛି । ଶାୟନୀଙ୍କୁ ପ୍ରାଥମିକ ସାକ୍ଷି ଆଧାରରେ ଗିରଫ କରାଯାଇଛି ବୋଲି ପଶ୍ଚିମ ତ୍ରିପୁରାର ଅତିରିକ୍ତ ଏସପି ଭିଜେ ରେଡ୍ଡୀ କହିଛନ୍ତି। ତାଙ୍କ ବିରୋଧରେ ଆଇପିସି ଧାରା ୩୦୭, ୧୫୩ ଅଧୀନରେ ମାମଲା ରୁଜୁ ହୋଇଛି। ଏକ ଜନସଭାରେ ବିଜେପି କାର୍ଯ୍ୟକର୍ତ୍ତାଙ୍କୁ ଗାଡ଼ି ଚଢ଼ାଇବା ନେଇ ଶାୟନୀଙ୍କ ଉପରେ ଅଭିଯୋଗ ହୋଇଛି । ତାଙ୍କୁ ସୋମବାର କୋର୍ଟରେ ହାଜର କରାଯିବ। ଏହି ସମୟରେ ସେ ଜାମିନ ପାଇଁ ଆବେଦନ କରିବେ।
ସୂଚନା ଅନୁଯାୟୀ, ଶାୟନୀ ଗୋଟିଏ ସଭାସ୍ଥଳରେ ଏକାଠି ହୋଇଥିବା ବିଜେପି କର୍ମୀଙ୍କ ଉପରେ ଗାଡ଼ି ମଡ଼ାଇ ଦେବାକୁ ଚେଷ୍ଟା କରୁଥିଲେ। ଏନେଇ ଅଭିଯୋଗ ମିଳିବା ପରେ ପୁଲିସ୍ ଆକ୍ସନ ମୋଡକୁ ଆସିଥିଲା। ଆଜି ସେ ରହୁଥିବା ହୋଟେଲରେ ମହିଳା ପୁଲିସ୍ ପହଞ୍ଚିବା ସହ ତାଙ୍କୁ ପଚରାଉଚରା କରିଥିଲେ। ଏହାପରେ ତାଙ୍କୁ ଥାନାକୁ ନିଆଯାଇଥିଲା। ତେବେ ସେ ପର୍ଯ୍ୟନ୍ତ ତାଙ୍କ ବିରୋଧରେ ରୁଜୁ ହୋଇଥିବା ମାମଲା ସମ୍ପର୍କରେ ପୁଲିସ କିଛି ବି କହିଥିଲା। ସେ ଦୀର୍ଘ ସମୟ ଧରି ଥାନାରୁ ନ ଫେରିବାରୁ ତାଙ୍କ ସହଯୋଗୀମାନେ ସେଠାରେ ପହଞ୍ଚିଥିଲେ। ଏହି ସମୟରେ ପୁଲିସ୍ ତାଙ୍କୁ ହତ୍ୟା ଉଦ୍ୟମ ମାମଲାରେ ଗିରଫ କରିଥିବା ଜଣାପଡ଼ିଥିଲା।
Powered by Froala Editor
