ଭୁବନେଶ୍ୱର: ଦୁନିଆରେ ଅନେକ ପ୍ରକାର ଫଳ ରହିଛି, ଯାହାର ମୂଲ୍ୟ ଭିନ୍ନ ଅଟେ । ସାଧାରଣତଃ ବଜାରରେ ବିଭିନ୍ନ ଫଳ ଗୁଡିକର ମୂଲ୍ୟ ୪୦୦ରୁ ୫୦୦ଟଙ୍କା ମଧ୍ୟରେ ରହିଥାଏ । ଏହାକୁ ଲୋକମାନେ ମହଙ୍ଗା ମନେ କରନ୍ତି । ଆମେ ବଜାରରୁ ପ୍ରାୟତଃ ସେଓ, ଅଙ୍ଗୁର, କମଳା, ଆମ୍ବ, ଲିଚୁ ଆଦି ଫଳ କିଣି ଖାଇଥାଉ । କିନ୍ତୁ ଯଦି କୌଣସି ଫଳର ମୂଲ୍ୟ କିଲୋ ପିଛା ଲକ୍ଷ ଟଙ୍କା ହେବ, ତେବେ ଆପଣ କ’ଣ କରିବେ? ଆପଣ ଭାବିବେ ଏ ଫଳ ଖାଇବା ବଦଳରେ ହୀରା କିମ୍ବା ସୁନା କିଣିଦେବା ଭଲ ହେବ । 
କଥାଟି ଆପଣଙ୍କୁ ଆଶ୍ଚର୍ଯ୍ୟ ଲାଗିଲେ ବି ସତ । ଜାପାନରେ ଏପରି ଏକ ଫଳ ଅଛି ଯାହାର ମୂଲ୍ୟ ଲକ୍ଷ ଲକ୍ଷ ଟଙ୍କା । ଏହି ଫଳକୁ ସାଧାରଣ ଲୋକ କିଣିବାକୁ ଚିନ୍ତା ବି କରନ୍ତି ନାହିଁ । ତେବେ ଆସନ୍ତୁ ଜାଣିବା ସେହି ଫଳ ବିଷୟରେ, 
ଦୁନିଆର ଏହି ମହଙ୍ଗା ଫଳର ନାମ ହେଉଛି ୟୁବରୀ ତରଭୁଜ । ଏହି ଫଳକୁ ଇଂରାଜୀରେ ‘ୟୁବରୀ ମେଲନ’ ବୋଲି କୁହନ୍ତି । ଏହି ଫଳ ଜାପାନରେ ଚାଷ କରାଯାଏ ଓ ସେଠାରେ ହିଁ ବିକ୍ରି ହୋଇଥାଏ । ଏହି ଫଳର ରପ୍ତାନି ବହୁତ କମ୍ ହୋଇଥାଏ । ଏହା ସୂର୍ଯ୍ୟ କିରଣରେ ନୁହେଁ ବରଂ ସବୁଜ ଗୃହରେ ବଢିଥାଏ । ତେବେ ଜାପାନରେ ମିଳୁଥିବା ଏକ ୟୁବରୀ କସ୍ତୁରୀ ତରଭୁଜର ମୂଲ୍ୟ ୧୦ଲକ୍ଷ ଅଟେ । ୨୦ଲକ୍ଷ ଟଙ୍କାରେ ୨ଟି ତରଭୁଜ ମିଳିଥାଏ । ୨୦୧୯ ମସିହାରେ ଏହି ତରଭୁଜ ଗୁଡିକ ୩୩ଲକ୍ଷ ଟଙ୍କାରେ ନିଲାମ କରାଯାଇଥିଲା । ଭିତରୁ କମଳା ଏହି ଫଳର ସ୍ୱାଦ ମିଠା ହୋଇଥାଏ ।

Powered by Froala Editor